KHUNTO keixa ona Angela Freitas ba MP

Advogadu privadu husi partidu Kmanek Haburas Unidade Nasionál Timor-Oan (KHUNTO), iha Tersa, loron 9, fulan ne’e, hato’o keixa ba Ministériu Públiku (MP), relasiona ho akuzasaun husi Ángela Freitas ba atuál Vise Primeiru Ministru (PM), Armanda Berta.

Advogadu privadu ne’e, hateten, nia parte kompleta ona prova balun ne’ebé sufisiente hodi aprezenta ona ba Ministériu Publiku (MP), tanba konsidera aktu refere hanesan difamasaun no kontra ema seluk nia privasidade.

“Ita hotu hatene katak iha semana pasada iha inisial AF deklara ba públiku katak defama imoralmente ba ami nia prezidenti partidu KHUNTO, atual hanesan vice PM, aleinde ne’e hanesan mós Ministra Solidariedade Sosial no Inkluzaun, tanba ne’e mak aktus sira ne’e ami kompila hamutuk liuhosi  provas balun ne’e mak sufisiente liuhosi deklarasaun balun ne’ebé mak liuhosi média, tanba ne’e mak ami ohin loron ami mai hato’o denunsia ba MP oinsa bele andamentu prosesu ne’e to’o tribunál. Se deit hanesan ofendidu, tanba ne’e ami kompila ba artigu 203 husi kodigu penal katak, halo atentadu ba reprezentante máximu órgaun soberanu nian”, Advogadu Privadu, Arnaldo Lopes iha Prokuradoria Jerál Repúblika, Colmera-Díli.

Advogadu ne’e afirma, denunsia ne’ebé hato’o ona ba MP, hanesan krime públiku, tanba ne’e nia espera, MP bele levanta prosesu ne’e ba Tribunál. san