JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Ha’u sei ba hasoru maun bo’ot Xanana

Lere: Ha’u sei ba hasoru maun bo’ot Xanana

Xefe Estadu Maior F-FDTL Major Jeneral, Lere Anan Timur, deklara, nia parte sei tún ba hasoru líder nasional Kay Rala Xanana Gusmão, oinsa bele haree ba situasaun polítika rai-laran ninian, maske líder karismátiku ne’e hakerek iha nia surat la konkorda atu tur hamutuk ho líder sira seluk.

“Karta ne’ebé ha’u haruka la’os ha’u deit,  maibe ha’u em nome Forsa Defeza Timor Leste (F-FDTL)   liu-liu ofisiais jenerais, corneis, ami hato’o la’os ba maun bo’ot Xanana deit,  maibe ba líder istóriku sira hotu,  ami hato’o  ami nia preokupasaun ami nia sentimentu, ne’ebé  ami mos funda Nasaun ida ne’e, ami la’os fundador FRETILIN no FALINTIL, maibe nasaun ne’e mos ami funda, entaun ami haree situasaun polítika rai-laran husi governu, iha ne’ebé deit ami sente ladun satisfeitu, tanba ne’e  ami haruka karta refere ba líder istóriku sira, atu  sira bele tetu ka bele dasi. Ha’u nia maun Xanana la  responde karta ami nian tuir ami nia sentimentu, maibe nu’udar ha’u nia maun, ami mos bele hasoru malu,  loron ida ha’u  sei buka tempu,  ha’u nia maun ami atu koalia didiak”, dehan Xefe Estadu Maior Jeneral  Lere Anan Timur ba Jornalista sira Sesta (12/06/2020) iha Palasiu Governu.

Nia  subliña, pelo menus lider sira bele altera  situasaun ida ne’e, atu husik situasaun diak ba jerasaun futuru mai, foin  iha reuniaun mak dehan karta refere haruka ona ba kuartel Jeneral, maibe surat ne’e liu husi  fali media,  no nia hatene ona.

Líder másimu F-FDTL fundamenta,  ema hotu haree Timor ukun-an ne’e, hanesan koalia beibeik dalaruma konseitu ne’ebé ké hotu hotu baruk ona, nasaun ne’e  harii ran ho isin, fitar sei iha, fitar mak faluk oan kiak, veteranu sira ne’ebé  ohin moris ita la hatene ida ne’e mak sentiment ne’ebé sira aprezenta.

Lee hotu :   Kontrola riku soi iha tasi, F-FDTL aprezenta opsaun 3

“Kona-ba retira, ida ne’e ami veteranu ami tur hamutuk sei koalia no rezolve deit” tenik Lere. Oly

Add to Comments Here!!!!

error: Content is protected.
Secured By miniOrange
You might also like:
PM Taur: Arsénio Bano laiha imunidade

Primeiru Ministru (PM), Taur Matan Ruak,...

La nesesáriu Governu altera projetu lei kriminaliza difamasaun

Xefe bankada UDT/FM, Francisco Carlos Xavier,...

Júlio Crispim: Lei difamasaun labele viola liberdade espresaun no imprensa

Jurista Padre Júlio Crispim, hatete, esbosu...

Close