JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Lei difamasaun atu hamate liberdade hasai liafuan a’at

Lere: Lei difamasaun atu hamate liberdade hasai liafuan a’at

Xefe Estadu Maior Jeneral F-FDTL, Maijor Jeneral Lere Anan Timur hateten, lei difamasaun lahamate liberdade espresaun no imprensa maibé, atu hamate ema hasai liafuan a’at arbiru ka liberdade atu tolok.

Líder máximu FALINTIL-Forsa Defeza Timor-Leste (F-FDTL) ne’e afirma liu tan, lei difamasaun ne’ebé mak ministériu justisa aprezenta ba Konsellu Ministériu (KM), atu husu opiniaun públiku ni’an.

Tanba ne’e tuir, Lere Anan Timur nia opiniaun katak, lei refere la’os bandu atu ema hotu espresa liberdade imprensa no liberdade espresaun, maibé lei refere atu hamate ema ne’ebé tolok iha públiku liu-liu iha rede sosial.

“Demokrasia ema hotu koalia, exemplu imi jornalista mak intere didi’ak kona-ba lei difamasaun ne’e, balun kontra balun pro buat sira ne’e, lei difamasaun ne’e lá signifika katak bandu no hamate liberdade espresaun, mais hamate liberdade tolok ema arbiru de’it ida ne’e mak ita tenke komprende,” afirma, Xefe Estadu Maior Jeneral F-FDTL, Maijor Jeneral Lere Anan Timur, iha palásiu prezidensial Nicolau Lobato, Bairro-Pite, Kuarta (17/06/2020).

Maijor Jeneral Fitun Rua ne’e aprofunda liutan, atu kriminaliza hanesan forma edukasaun ida ba ema hotu, maibé labele uza liberdade espresaun hodi tolok ema arbiru, tanba liberdade iha nia limitasaun.

Lere akresenta tan, ema ne’ebé mak tolok arbiru, la’os ema Timor-oan, Timor-oan maibé lagosta Timor, tanba aproveita oportunidade hodi mai moris iha nasaun Timor-Leste.

Nune’e mos, Prezidente Repúblika husu ba líder nasionál sira, atu rezolve problema refere, tanba demokrasia la’os atu tolok malu, maibé demokrasia atu respeita malu iha nasaun livre no demokrátiku.Ina

Lee hotu :   PN preokupa desizaun Tribunal aplika TIR ba autór droga

Add to Comments Here!!!!

error: Content is protected.
Secured By miniOrange
You might also like:
Komunidade Hauba husu Xanana kandidata-an ba PR

Komunidade suku Hauba, postu administrativu Bobonaro,...

Dom Norberto husu públiku labele politiza asaun karidade husi Xanana

Prezidente Konferénsia Episkopal Timorense, atuál Bispu...

Hasai deklarasaun rasista, deputada Fernanda Lay baku malu ho deputada Olinda

Deputada bankada KHUNTO, Olinda Guterres ho...

Close