JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Maske lockdown iha fronteira, movimentu ilegál kontinua akontese

Maske lockdown iha fronteira, movimentu ilegál kontinua akontese

Komandante Jerál Polísia Nasionál Timor-Leste (PNTL) Komisáriu Faustino da Costa, rekoñese,  maske Governu halo lockdown ba fronteira terrestre sira ho nasaun viziñu Indonézia, maibe movimentu ema tama-sai ilegál iha liña  fronteira terrestre kontinua la’o maka’as.

Timor-Leste dadauk ne’e la rejista ona kazu pozitivu ba COVID-19,   tanba governu desidi  Unidade Patrullamentu Fronteira  (UPF) PNTL  no FALINTIL Forsa Defeza Timor-Leste  (F-FDTL) atu taka metin fronteira,  tantu Suai, Bobonaro,Oecussi, hodi prevene ema tama sai ilegal, no  halo prevensaun ba iha COVID-19, labele tama iha teritóriu Timor-Leste.

Maske nune’e, Komandante Jerál PNTL Komisáriu Faustino da  Costa, rekoñese movimentu ema tama sai ilegal  iha fronteira husi loron  ba loron, tantu  sidadaun Indonézia, kasa animal tama  iha tritoriu Timor no Timor oan rasik mós  koko  lori sasán nesesidade báziku, hanesan foos, masin-midar no tua.

UPF mós kaptura estudante Timor-oan ida hafoin fila husi Indonézia ba Oecussi, hodi entrega ba  Gabinete Jestaun Krize iha Oecussi atu tama kuarentena durante loron 14.

“Informasaun ikus husi PNTL no forsa amiga, parseiru servisu  no hala’o  iha fronteira  ita halo kapturasaun  ba sidadaun na’in tolu ne’ebé  tama husi parte Tilomar ninian, bainhira sira tenta no halo kasa ba animal, bainhira sira tama mai área teritóriu Timor-Leste ninian, tanba  ne’e  iha faze Estadu Emerjénsia  ita halo prosesu no halo koordenasaun para halo deportasaun  ba sidadaun Indonézia na’in tolu ne’e  no ida ne’e akontese dia 2 Juñu 2020”, esplika Komandante Jerál PNTL Komisáriu Faustino da Costa, ba jornalista sira Kuarta (03/06/20)  iha Kuartel Jerál PNTL, Kaikoli, Díli.

Líder másimu instituisaun PNTL ne’e akresenta, iha Bobonaro mós hanesan  Timor-oan kuaze na’in 7  tenta atu lori sasán nesesidade báziku  husi Timor  ba Indonézia, iha parte Mota-Ain rasik.  La’os  postu integradu mak atende ida ne’e  hahú kedas   husi Be- Malae, Badut-Mean no Lolotoe.

Lee hotu :   PNTL bandu komunidade harii prezépiu iha dalan ninin

Faustino da Costa dehan, ema sira  ne’ebé mak kaptura, seidauk halo kontaktu fiziku ho sidadaun  sira iha Timor Osidental, tanba ne’e loke de’it prosesu haruka sira fila ba sira ninia uma, maibé sasan sira prende hotu.

Alende ne’e, iha parte Oecussi ninian iha semana ida ne’e mós  UPF kaptura estudante ida hafoin fila husi Indonézia.

 Tanba  ne’e iha period Estadu emerjénsia ne’e mak prosedementu tuir mai koordena ho gabinete jesaun krize ninian  no ikus mai ita hatama iha kuarentena   ne’ebé lokaliza iha Oecuse tuir tempu ne’ebé termina iha Estadu Emerjénsia ninian”,dehan Faustino da Costa.avi

Add to Comments Here!!!!

error: Content is protected.
Secured By miniOrange
You might also like:
Semana oin Governu halo pagamentu subsídiu USD 100.00 ba kada família

Ministériu Solidariedade Sosial no Inkluzaun (MSSI)...

Ema fuma sigaru iha TL tun ba 30%

  Diretóra ezekutivu Institutu Nasional Saúde...

Xanana fó apoiu nesesidade báziku ba familia kbi’it laek iha suku Kulu-Hun

Atu hakma’an netik komunidade nia susar...

Close