JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Olinda Guterres ho Fernanda Lay prontu hasoru malu iha Tribunal

Olinda Guterres ho Fernanda Lay prontu hasoru malu iha Tribunal

Deputada bankada KHUNTO, Olinda Guterres, deklara, iha tempu badak nia parte sei keixa deputada CNRT, Fernanda Lay ba Tribunal, tanba konsidera deputada CNRT ne’e halo asaun krime hasoru nia. Entretantu deputada Fernanda Lay mos prontu hasoru malu iha Tribunal.

“Problema ne’e agregasaun fíziku ne’e hanesan krime, ida ne’ebé ameasa atu tuku mate hau no ida ne’ebé mai assalta hau iha hau nia fatin, hodi halo agregasaun fíziku ba hau. Husu mós ba MP atu loke investigasaun lalais, no hau rasik sei lori ba Tribunal, Sra. Fernanda Lay hahú husu deskulpa, maibe média Center CNRT ne’ebé hateten fali dehan boña metan, muslim ka islam, ne’e hanesan mós Xina pirata ka la’e, se husu deskulpa hau bele husu deskulpa, maibe ami sei ba hasoru malu iha Tribunal,” hateten deputada KHUNTO ne’e iha plenária, Segunda (29/06/2020).

Olinda haktuir katak, iha momentu mosu agregasaun fíziku ne’e, hahu hosi audiência loron Tersa (16/06) ne’e, bainhira deputada CNRT, Virginia Ana Belo ne’ebé ejize Ministra Solidariedade Sosial atu marka prezensa iha audiénsia, maibe tanba husu bebeik, nia parte deskorda, maibe deputada Virginia ameasa no tenta atu tuku nia, maibe lakonsege tanba deputadu seluk hakalma nia.

Hafoin ne’e mosu tan dezentendimentu ho deputada Fernanda Lay iha loron tuir mai, to’o mosu agregasaun fíziku, tanba deputada Fernanda Lay hakat uluk hosi nia fatin ba baku deputada Olinda.

Alende ne’e, deputada CNRT, Fernanda Lay, dezafia deputada Olinda atu keixa nia ba Tribunal, tanba konsidera mosu reasaun, bainhira mosu asaun ne’ebé liu tiha ema nia hakarak.

Fernanda Lay afirma, linguajen rasizmu ameasa  boot ba nasaun, tanba akontese dadaun kazu rasizmu iha nasaun bo’ot hanesan Amérika.

Lee hotu :   Sidadaun 12 kontinua atravesa fronteira

“Hau husu de’it para lori kazu ba oin, faz favor, maibe husu para tau atensaun ba artigu 13 iha konstituisaun, direitu deputadu iha audiénsia utiliza língua ne’ebé ofisial, tanba hau ( halo intervensaun husu pergunta) reprezenta hau nia dúvida rasik, la’os ema seluk nian ne’ebé tenke ho Tetun, se hau sente konfortabel iha lian Portugés, hau halo iha lian Portugés para sempre, tanba konstituisaun garante hela. Iha artigu 16 konstituisaun mós hateten, universialidade, igualidade no ema hotu-hotu hanesan iha lei nia oin, iha direitu hanesan no iha dever hanesan, ema ida labele hetan diskriminasaun tanba rasa, kór ho estadu sivíl no seluktan. Deputada bolu hau Xina pirata ne’e iha tetun dehan naokteen, tanba ne’e mak lalika uza liafuan ema nia ne’ebé ita rasik lakomprende iha uma fukun ida ne’e, ho nune’e mak hau hateten rasizmu. Ita bele hirus, maibe liafuan sira hanesan ne’e labele hasai iha públiku, bainhira ita rasik lakohi ema ko’alia hanesan ne’e ba ita. Maibe se karik hakarak lori kazu ne’e ba oin, hau prontu,”tenik Fernanda Lay.

Dezentendimentu entre deputada CNRT ho Khunto ne’e, akontese iha loron 17 fulan Juñu tinan ne’e,  bainhira deputada CNRT,  Fernanda Lay, halo intervensaun ho língua portugés,  iha audiênsia públika entre komisaun  C, D ho Governu,  deputada Olinda hasai linguazen Xina pirata ba deputada Fernanda Lay, to’o mosu agregasaun fíziku entre deputada nain rua ne’e.Say

Add to Comments Here!!!!

error: Content is protected.
Secured By miniOrange
You might also like:
KHUNTO seidauk halo juramentu ba Membru Governu

Sekretáriu Jerál Partidu KHUNTO, José Agustinho...

Ezekusaun subsídiu familiar atinji ona 93%

Ezekusaun fundu monetáriu USD 200.00 ba...

MSSI simu ona reklamasaun 11.833

Ministériu Solidaridade Sosiál no Inkluzaun (MSSI),...

Close