JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL prende motorizada 45 no kareta 12 iha área Palásiu Governu no PN

PNTL prende motorizada 45 no kareta 12 iha área Palásiu Governu no PN

Polísia Nasionál Timor-Leste (PNTL) husi Unidade Tránzitu munisípiu Díli, prende  motorizada 45, inklui  kareta 12 ne’ebé mak para iha trotoár leten  iha área Palásiu Governu no Parlamentu Nasionál (PN) ninian.

Komandante  Unidade Tránzitu munisípiu Díli, Inspetór   Domingos  Sarmento, iha Tersa (02/06/20) ezekuta orden komando munisípiu Díli, hodi prende motorijada   no  transporte privadu sira ne’ebé mak la kumpri ba kódigu estrada  númeru 6/2003.

No Palásiu governu  inklui Parlamentu Nasionál mós hanesan fatin orgaun soberanu.  Tanba ne’e labele para  transporte arbiru.

 “Antes ne’e  ita boot sira akompaña ona,  ita pasa ona informasaun  hodi labele para iha trotoár leten tuir kodigu estrada númeru 6/2003 artigu 49 hateten ba  transporte hotu-hotu  ne’ebé mak  ita nia komunidade sira uza  bandu para iha trotoár leten, tanba trotoár leten  ne’e ba ema la’o ain sira, la’os fali motorijada ho kareta para iha trotoár leten hodi okupa fatin no kria ingrafamentu iha estrada no kria mós  asidente tráfegu”,esplika Komandante  Unidade Tránzitu munisípiu Díli, Inspetór   Domingos  Sarmento, ba  jornalista sira,  iha área resintu Palásiu Governu.

Domingos Sarmento hateten, ema sira servisu iha Palásiu governu no Parlamentu Nasionál ema sira intelektual,  ne’e la’os ema  iha merkadu Taibessi ne’ebá,

“Entaun sira ne’e mak sai hanesan ijemplu ba sidadaun sira ne’ebé mak  la hatene lee no hakerek, mas ema intelektual sira ne’e  ita haree pior liu fali hanesan ita nia maluk sira fan iha merkadu  Taibessi no merkadu Komoro”,dehan Domingos Sarmento.

Tan ne’e ba oin mak sira repete tan.

 “Ami sei avansa ba atuasaun ne’ebé masimu ne’e, masimu ne’e bele selu 300 dolar too 500 dolar Amerikanu”,dehan Domingos Sarmento.

Lee hotu :   Redusaun OJE 2020 ba CAC, Sei afeta implementasaun servisu iha terenu

Iha  oportunidade  ne’e  motorista Noego  da Costa hateten, sira desidi para sira nia transporte iha  trotóar leten, tanba fatin parajen laiha. Maibé   Noego konsidera  atuasaun Polísia tránzitu  hodi prende sira ninia motorijada.

“Ami kumpri  ordem Polísia nian, maibé  ne’e la’os ami nia  hakarak, maibé kondisaun mak obriga. Tanba maioria transporte sira para iha trotoár ne’e funsionáriu sira nian de’it”, dehan otorista Noego  da Costa.

 Motorijada sira ne’e dadauk ne’e asegura hotu iha munisípiu Díli, hafoin na’in ba selu tiha multa hafoin Polísia entrega  sira ninia motorijada.avi

 

Add to Comments Here!!!!

error: Content is protected.
Secured By miniOrange
You might also like:
Kareta deputadu PN ida viola regra tránzitu

Kareta   Deputadu Parlamentu Nasionál   ida  ho...

Fidelis fiar PN sei aprova pedidu Governu ba subsídiu

Ministru Prezidensia Konselhu Ministru, Fidelis Manuel...

Hadau kadeira PPN, FRETILIN fase liman hodi fó kulpa ba CNRT

Reprezentante povu iha uma fukun Parlamentu...

Close