JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sérgio Quintas: Líder balun alerjia ho krítika mak hakarak defende-an ho lei kriminaliza difamasaun

Sérgio Quintas: Líder balun alerjia ho krítika mak hakarak defende-an ho lei kriminaliza difamasaun

Jurísta Timor-Oan Sérgio Quintas, hato’o kestau ne’e ba GMN iha ninia rezidénsia Delta IV, Domingo (28-06-2020).

Sérgio Quintas, haktuir, esbosu lei kriminaliza difamasaun ne’e iha tinan 2000 hetan ona eliminasaun husi Nasoens Unidas, tanba Timor-Leste adopta sistema demokrásia ne’ebé hatuur nanis ona iha konstituisaun RDTL.

Maibé, jurísta ne’e esplika, kódigu sivíl iha artigu balun fó dalan ba kualker sidadaun bele hato’o keixa ba Ministériu Públiku (MP) no tribunál, wainhira ema seluk estraga ninia dignidade, naran di’ak no reputasaun, ho prosesu sivíl.

“Ha’u hanoin ita labele kriminaliza difamasaun, porque uluk iha tempu UNTAET sira hasai tiha ona ordem ezekutivu ka diretivu 2000/02 atu elimina kriminaliza difamasaun ne’ebé mak previstu iha artigu 310 no 317 husi kódigu penál Indonézia ni’an. Agora ita iha sosiedade ida demokrátiku, modernu, la fó fatin para ita kriminaliza difamasaun, tanba iha ita nia kódigu sivil  artigu 417 no 418 fó fatin ba sé de’it mak sente katak nia boa nome, reputasaun nia dignidade ema kontra bele hatama keixa sivíl, sé ita kriminaliza difamasaun, signifika ita hanehan tiha ona demokrásia no liberdade espresaun”, Jurista ne’e iha ninia rezidénsia.

Sérgio akresenta katak, ho lei ne’e bele hamate sistema demokrásia iha Timor-Leste no haburas fali sistema semi ditadura, iha ne’ebé la fó fatin ba sidadaun hotu atu espresa sira nia opiniaun.

“Se lei ida ne’e mak kuandu aprovadu iha PN no ba iha PR promulga, ne’e ita nia demokrásia ne’e ba kotuk ona no ita nia sistema ne’e ita komesa aplika sistema semi ditadura, tanba liberdade atu halo manifestasaun nia lei ne’e eziste tiha ona no mai tan ho lei kriminaliza difamasaun, tanba ne’e, lei kriminaliza difamsaun ne’e la reflete ba ita nia valór kulturais iha ita nia sosiedade, tanba iha ita nia sosiedade ne’e kuandu ema ruma ko’alia sala ne’e liu husi indeminizasaun de’it, la’ós kastigu”, afirma Sérgio.

Lee hotu :   Konfrontu iha Taibesi, rezulta ema nai’n lima kanek no uma ida rahun

Tanba ne’e, jurísta ne’e hateten, wainhira lei ne’e vigora duni, álvu primeiru mak jornalista sira, tanba jornalista nu’udar ajente kontrolu sosiál ba sidadaun hotu.

“Kuandu lei kriminaliza difamasaun ne’e mak fó fatin ka penál, alvu primeiru mak jornalista sira, mak sai kualidade hanesan arguidu, entaun governu tenke haree katak jornalista sira hanesan parte ida importante hodi halo kontrolu sosial ba na’i-ulun sira, sé limite liberdade espresaun ou jornalista sira mak sai alvu ba kriminaliza difamasaun ne’e ita hakiduk fali ba kotuk ita nia demokrásia ida ne’e”, salienta Sérgio.

Tanba ne’e, jurista ne’e sujere, tuir loloos Governu tenke prioritiza ba lei sibernétiku, Lei Anti Korupsaun no halo alterasaun ba lei pensaun vitalísia, duke prioritiza de’it esbosu lei kriminaliza difamasaun, tanba benefísia de’it figura públiku sira. san

Add to Comments Here!!!!

error: Content is protected.
Secured By miniOrange
You might also like:
HNGV selebra nia aniversáriu ba dala 17

Hospital Nasionál Guido Valadares (HNGV), selebra...

Prevene COVID-19, F-FDTL nafatin kontrola fronteira terestre

Ministru Defeza (MD), Filomeno Paixão, hateten,...

Armando Monteiro sei lídera fali PNTL Baucau

Iha posibilidade Komando Polísia Nasionál Timor-Leste...

Close