JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TDD absolve membru PNTL ida husi Kazu OIFS

TDD absolve membru PNTL ida husi Kazu  OIFS

Tribunál Distritál Díli (TDD), iha Kinta, loron 4, fulan ne’e, absolve arguidu José Pinto, hanesan membru Polísia Nasionál Timor-Leste (PNTL), husi unidade Tasck Force, komandu PNTL munisípiu Díli husi krime Ofensas Integridade Fizíka Simples (OIFS).

Iha audénsia julgamentu ne’e lezadu, António Golçalves no lezada Serafina Moreira Mendonça, husu tribunál atu dada fali kazu ne’e, tanba sira iha relasaun família ho arguidu José Pinto.

Hafoin rona tiha deklarasaun lezadu sira, prokuradór Domingos Barreto husu, tribunál atu haree tuir prossesu krime ne’ebé iha, enkuantu parte defeza, Nelson Borges ne’ebé fó asisténsia legál ba arguidu husu mós ba tribunál atu foti desizaun tuir konviksaun tribunál ni’an, tanba lezadu no lezada hakarak atu dame malu ho arguidu.

Nune’e, tribunál omóloga kedas ba kazu OIFS ne’ebé komete husi arguidu José Pinto.

“Prontu tribunál omóloga, hodi absolve no laiha multa ba kazu refere”, deklara Juiza Maria Solana iha julgamentu.

Entretantu arguidu, José Pinto husu deskulpa ba aktu ne’ebé nia halo, tanba momentu ne’ebá nia parte hala’o servisu iha terenu, ho nervozu, nune’e rezulta insidente refere.

Arguidu ne’e mós deklara ba tribunál katak, ba oin hanesan membru PNTL sei hala’o funsaun tuir de’it lei no orden, sei la prátika tan aktu hanesan iha futuru.

Antes ne’e, Ministéiru Públiku (MP) liu husi Prokuradór Domingos Barreto, akuza arguidu nu’udár autór ba materiál ho forma konsumadu, prátika krime tolu (3) OIFS, iha artigu 145, Kódigu Penal Timor-Leste, ho moldura penál pena prizaun tinan tolu (3) ka multa.

Tuir kronolojia ne’ebé le’e sai husi MP katak, iha loron 19, fulan Dezembru, tinan 2016, tuku 07:00 kalan, membru PNTL unidade tasck force ne’ebé lidera  husi arguidu José Pinto, fó apoiu seguransa ba servisu saneamentu orden públika, hodi halo operasaun ba negosiante ambulante iha sidade Díli.

Lee hotu :   Konfrontu iha Laga, uma 16 hetan sunu

Liu husi aktividade konjunta ne’e, ekipa saneamentu ho polísia tasck force ne’ebé lidera husi arguidu halo duni operasaun ba negosiante ambulante  sira iha edifísiu SEFOPE, besik ofisina Stallone, aldeia 04, suku Caikoli, iha altura ne’ebá lezadu António Golçalves hamri’ik konversa hela ho ajente polísia ida husi Ainaro, maibé la kleur membru ekipa saneamentu ida hakbesik ba nia atu baku ho kastete, entaun hahú mosu diskusaun hafoin arguidu José Pinto haksoit tun husi kareta no diretamente fó tuku dala ida iha kanuruk no tebe dala ida iha kelen halo lezadu monu tun ba rai.

Kuandu lezadu monu iha rai, arguidu ho nia maluk sira kontinua baku lisuk nafatin, hafoin Serafina Moreira Mendonça ho kondisaun gravida, halai mai hakuak António hodi dehan ba polísia katak “to’o ona”, maibé arguidu José la preokupa hodi lori kastete baku dala ida iha hirus matan karuk no tebe dala ida iha tilun-hun karuk.

Konsekuénsia husi agresaun fizíka ne’e, rezulta lezadu sente moras no  bubu iha fatin atinjidu, maibé lezadu la simu asisténsia médiku iha ospitál, enkuantu lezada Serafina simu tratamentu saúde iha Hospital Nacional Guido Valadares (HNGV).

Ho sirkunstánsia hotu ne’ebé temi iha leten, arguidu halo ho forma  konsiente livre no deliberada, aproveita situasaun oportunu fó apoiu seguransa ba servísu saneamentu, hodi halo operasaun ba negosiante ambulante iha dalan ninin, halo  agresaun fizíka hasoru lezadu sira konforme faktu deskritu nu’udár meiu ida ne’ebé aptu hodi provoka moras no bubu iha isin, maibé arguidu kontinua prátika nafatin no pretende katak hahalok ne’e proibidu no punidu tuir lei lei penál.

Lee hotu :   FILOMENO PAIXÃO: MASKE TARDE, MAIBE OSAN TENKI SAI SELU F-FDTL

Audénsia ba julgamentu ne’e prezide husi juíza singular, Maria Modesta, MP reprezenta husi prokuradór, Domingos Barreto no arguidu hetan asisténsia legál husi defensór públiku, Nelson Borges. san

Add to Comments Here!!!!

error: Content is protected.
Secured By miniOrange
You might also like:
Joaquim dos Santos promete finaliza LAK iha 2020

Prezidente eleitu ba komisaun A, ne’ebé...

Membru VIII Governu sei aumenta tan, CNRT konsidera hatodan de’it OJE

Xefe bankada CNRT, deputadu Duarte Nunes,...

MS lansa númeru hotline atende saúde mental no psikososial

Diretora Jeral Prestasaun Saúde, Odete Viegas,...

Close