UPF kaptura ema na’in 10 iha froteira terrestre

Unidade Patrullamentu Fronteira (UPF) kaptura ema na’in 10 ne’ebé tama sai ilegalmente liu husi fronteira terrestre durante semana hirak nia laran. Entre sidadaun na’in 10 kompostu husi sidadaun Indonézia  na’in tolu, Timor-oan na’in hitu.

“Ita  bele hateten durante semana ida ne’e ita kaptura ema kuaze na’in  1o  ne’ebé maiória mai husi Indonézia no na’in rua tenta sai husi Timor tama ba Indonézia, na’in 10, tama husi  Oecussi na’in 6, na’in hat tama husi Maliana nian”,esplika Komandante Unidade Patrullamentu fronteira Superintendente João  dos Reis  Belo, ba  jornalista sira Segunda (15/06/20), iha Kuartel Jerál PNTL, Caicoli, Díli.

João dehan, sidadaun sira ne’e submete ba prosesu normal, maibé sidadaun Indonézia sira haruka fila-fali ba Timor Osidental Indonézia no Timor oan sira, entrega ba saúde hodi haruka ema sira tama kuarentena.

Komandante ne’e mós akresenta, iha Segunda (15/06/20) madrugada ne’e, UPF kompaña Alfa kaptura tan  sidadaun estrajeiru ida no  Timor oan ida iha área parte Nunura Maliana, tanba tenta tama ilegalmente mai iha tritoriu Timor ninian.avi