JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri aprezenta keixa hasoru CPN-CNRT ba PGR

Alkatiri aprezenta keixa hasoru CPN-CNRT ba PGR

Sekretáriu Jerál Partidu FRETILIN, Marí Bim Amude Alkatiri, aprezenta ona keixa hasoru Konsellu Polítika Nasionál Partidu Congresso Nacional Reconstrucão Timor (CPN-CNRT) ba Prokuradór Jerál da Repúblika (PGR-sigla portugés) hodi hetan lialoos ba akuzasaun sira ne’eb’e durante ne’e kuadrus CPN-CNRT hasai ba públiku, liu-liu akuzasaun simu subornu hosi kompañhia ConocoPhillips.

“Ha’u mai hanesan sidadaun, la’os mai hanesan líder nasionál no la’os mai hanesan Sekretáriu Jerál, para atu reklama ba Estadu, ha’u nia direitu, direitu ba bom nome, direitu ba dignidade, direitu atu ema labele nafatin ataka ha’u, bainhira laiha baze”, Marí Alkatiri, deklara ba Jornalista sira, Tersa-feira (07/07/2020) hafoin aprezenta keixa iha PGR Kolmera, Tersa ne’e.

Alkatiri dehan, nia parte tolera bei-beik ona akuzasaun durante tinan barak nia laran, maibe loron ba loron akuzasaun kontinua ba bei-beik, nune’e nia parte halo keixa hodi  bele hatudu ba públiku lialos loos mak ida ne’ebé.

“Tanba ha’u tolera tinan 50 ona, desde ha’u komesa luta ba povu ida ne’e mak maluk Timor-oan balun tenta atu diskrimina ha’u ho meius oi-oin, tolera tinan 50 ne’e la’os oituan, maibé agora ha’u haree buat sira ne’e komesa boot ba bebeik, entaun to’o ona tempu atu hatudu ba maluk sira ne’e, katak labele abuza demais ho ha’u nia tolerânsia, tanba lei no jusitisa sei iha”,afirma Alkatiri.

Eis Primeiru Ministru ne’e hateten, enkuantu akuzasaun ne’ebé CNRT halo hasoru nia laiha faktus, CNRT tenke responsabiliza.

“Sira (CNRT) mai prova iha ne’e (PGR) bainhira sira halo akuzasaun, sira sei hatudu provas iha ne’e, iha fundamentu ka la’e, se laiha fundamentu, sira tenke responsabiliza, la’os akuza-akuza de’it, uza média oi-oin halo akuzasaun”, Alkatiri realsa.

Lee hotu :   UEP detein suspeitu ida lori sasan kro’at

Eis Primeiru Ministru ne’e informa tan, iha tempu badak nia laran nia parte sei aprezenta tan keixa rua ou tolu.

“Ne’e primeira keixa hasoru CPN, loron hirak tan sei mai halo keixa hasoru bankada CNRT nian, loron hirak tuir mai sei mai tan keixa hasoru sidadaun balun, sidadaun na’in 4, maibé ha’u labele mensiona naran iha ne’e, no liu ida ne’e, sei mai nafatin tan kontra média balun, agora ha’u la para mak ne’e”, haklean eis PM iha primeiru governu ne’e.

CNRT prontu hasoru

Iha sorin seluk, xefe bankada CNRT, Duarte Nunes, afirma, bankada CNRT prontu ona hasoru hodi hatán, bainhira Marí Alkatiri halo ona keixa ba MP.

“Ne’e direitu, ema ruma Kuandu sente prejudikadu hatama ba, importante, sekarik iha prova, tenke iha kontra, buat hotu ita sei akompaña, depois mak ita haree”, deklara Duarte Nunes.

Xefe bankada CNRT ne’e hatutan, bankada seidauk hanoin atu hato’o keixa, maibé partidu mak hola desizaun atu hatama, ne’e direitu partidu nian.

“Ami prontu, sekarik lori ba Tribunal atu hasai ami hotu mós ami prontu, ami deputadu 21 ne’e ba hotu kedas, laiha ema ida hela, bankada ne’e taka, ita boot sira (Jornalista) mós la preokupa ho ami, buat hotu la’o di’ak”,tenik Duarte Nunes.

Iha aprezentasaun keixa ne’e, Mari Alkatiri akompaña husi oan feto Nurima Alkatiri, maun hosi Marí Alkatiri, Ahmad Alkatiri, inklui advogadu José Guterres ho Arlindo Sanches.

Relasiona ho prosesu aprezentasaun keixa ne’e, GMN seidauk halo konfirmasaun ho parte CNRT.

Maibe antes ne’e, deputadu kuadru konsellu polítika nasionál CNRT , dezafia Eis Primeiru Ministru, Marí Alkatiri atu lori mós banku Oceanic Exploration ba iha Tribunal, atu nune’e labele husik “duvidas” ba  Povu tomak kona-ba subornu ne’ebé nia simu hosi ConocoPhillips, tanba banku refere mak fó sai ho konta bankaria kompletu.Say

Add to Comments Here!!!!

error: Content is protected.
Secured By miniOrange
You might also like:
ANC: Velosidade internet la’o neneik tanba utilizadór barak

Autoridade Nasional Komunikasaun (ANC-sigla Portugés), konsidera...

PM orienta IJE halo inspesaun ba instituisaun PNTL

Primeiru Ministru (PM) nudar mós Ministru...

Osan falsu hahú sirkula iha TL

Osan dolar Amerikanu falsu sirkula maka’as...

Close