JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri sei keixa CPN-CNRT ba MP

Alkatiri sei keixa CPN-CNRT ba MP

Sekretáriu Jeral (SekJer) partidu FRETILIN, Mari Alkatiri hato’o keixa ba Ministériu Públiku (MP) hasoru membru CPN partidu CNRT sira ne’ebé akuza nia simu subornu husi kompaña ConocoPhillips.

Keixa ne’e sei hato’o iha loron 7, fulan Jullu, tinan 2020, iha tuku 10 dader oras Timor-Leste, SekJer FRETILIN, Mari Alkatiri sei hakat ba Gabinete Prokuradór Jerál da Repúblika iha Kolmera, Díli, atu hato’o ninia keixa hasoru membru CPN partidu CNRT sira ne’ebé raut fila-fali lixu husi tinan 2002 ne’ebé akuza  Mari Alkatiri simu subornu husi kompaña ConocoPhillips.

“Koalia kona-bá prosesu ba Ministériu Públiku (MP), eis Primeiru Ministru atuál SekJer FRETILIN iha tinan barak nia laran ona mak nia sai vítima ba black campaign oi-oin hahú husi diskriminasaun vítima ba vingansa oi-oin no vítima ba inveija. Tanba ne’e, tempu to’o ona ba ha’u atu halo apelu ba RDTL nia sistema justisa, tempu to’o ona atu fó tempu ba justisa Estadu RDTL ni’an. Hahú ninia luta ba Timor-Leste nia independensia ho otas ne’ebé nurak tebes, seidauk atinji idade tinan 20, ninia luta ba Timor-Leste nia ukun rasik-an sei kontinua to’o ohin loron ho idade tinan 70 liu ona. Iha  tempu naruk ida hanesan ne’e ha’u hasoru dezafiu oi-oin, dezafiu luta kontra kolonializmu, espansionizmu no rejime Soeharto ni’an, maibé, dezafiu ida permanente liu no foer liu mai kedas husi ha’u nia maluk Timor-Oan balun. Besik tinan 50 mak ha’u ho ha’u nia família tomak sai vítima ba sira. Vítima ba diskriminasaun oin-oin, ba ódiu no vingansa, ba   inveja”, Eis PM ne’e liu husi komunikadu imprensa, Segunda (06-07-2020).

Lee hotu :   Vijibilidade PNTL menus implika komunidade tauk la’o kalan

Tanba ne’e, Mari Alkatiri deside keixa ba MP hasoru CPN partidu CNRT ba lia bosok ne’ebé sira públika hasoru nia. Tempu to’o ona ba Timor-Oan tomak atu hatene lia los kona-bá bosok sira ne’ebé partidu CNRT nia estrutura no kuadru balu halo, lia los de’it mak dalan diak ba Timor-Leste ida buras liu.

Antes ne’e  mós, deputadu sira husi bankada CNRT tomak  dezafia eis Primeiru-Ministru ne’e  atu lori Oceanic Exploration ba iha Tribunal, atu nune’e labele husik “duvidas” ba  povu tomak kona-bá subornu ne’ebé nia simu husi ConocoPhillips.

Entretantu iha tinan kotuk, Mari Alkatiri no partidu FRETILIN hasai komunikadu ida iha fulan Juñu, tinan 2008 katak, sira sei lori Oceanic Exploration ba Tribunal ho akuzasaun halo difamasaun hasoru Mari Alkatiri. Maibé liu ona tinan 11 públiku Timor-Leste la rona rezultadu husi keixa ne’ebé Mari Alkatiri no FRETILIN halo hasoru Oceanic Exploration.

CNRT hetok dezafia Mari Alkatiri

Bankada CNRT  iha Parlamentu Nasionál (PN) hetok dezafia SekJer partidu FRETILIN, Marí Alkatiri, atu hatama keixa ba Ministériu Públiku (MP), atu nune’e povu bele hatene lolos saida mak akontese iha tempu mandatu Mari Alkatiri sei asume kargu hanesan Primeiru Ministru.

“Deputadu FRETILIN liu husi nia bankada rejeita keixa husi Oceanic Exploration ne’ebé sai ona polémika iha ita-nia sosiedade nia laran kona-báq escândalo subornu no korupsaun ne’ebé komete husi SekJer partidu FRETILIN, Mari Alkatiri. Rejeisaun mai ho akuzasaun balun ne’ebé la fundamenta ho dadus konkretu no ninia efeitu ne’ebé fó prejuízu ba prátika boa-governasaun nian”, Vise Xefe bankada CNRT, Patrocinio Fernandes liu husi deklarasaun polítika ne’ebé hato’o iha plenária, Segunda (06-07-2020).

Lee hotu :   PN exiji komando PNTL hasa’e kapasidade jestaun prevensaun

Tanba keixa husi Oceanic Exploration hateten, subornu ne’ebé ConocoPhillips fó ba Mari Alkatiri atu halo desizaun ne’ebé prevalese ba kompaña no hatún taxa ne’ebé ConocoPhillips tenke selu mai iha Governu Timor-Leste. Ety

Add to Comments Here!!!!

error: Content is protected.
Secured By miniOrange
You might also like:
Ladauk halo pagamentu ba otél, Governu hamate kompañia sira

Deputada CNRT, Maria Fernanda Lay, konsidera...

Zero toleránsia ba membru PNTL inklina iha GAM

Komandante Jerál PNTL, Komisáriu Faustino da...

Xanana sei buka tuir saudozu Nicolau Lobato nia ruin

Líder karismátiku Kay Rala Xanana Gusmão...

Close