JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia funsionáriu Estadu balun hetan prejuízu USD40,197.50

Deskonfia funsionáriu Estadu balun hetan prejuízu USD40,197.50

Tribunál Distritál Díli (TDD), iha Segunda, loron 29, fulan ne’e, kontinua julgamentu ba kazu krime administrasaun da noza, pekulatu ho falsifikasaun agravada  ne’ebé deskonfia komete hosi ajente públiku no mós funsionáriu xefia na’in 3 iha Ministéiru Edukasaun (ME), liu hosi Diresaun Nasionál Ensinu Rekorente, deskonfia Estadu hetan prejuízu ho montante USD40,197.50.

Arguidu FLDRB, nu’udar Diretór Nasionál Ensinu Rekorente,  Ministériu Edukasaun, kargu ida ne’e arguidu asume hahu husi tinan 2007 to’o tinan-2012, arguida HNDA nu’udar Xefe departementu Materiál ba Diresaun Nasionál Ensinu Rekorente, hahú husi tinan 2008-2010.

Arguidu JV iha tinan-2007, nu’udar responsavél ba kobransa reseitas naun  fiskál, iha Ministeriu Edukasaun, nomedamente iha Diresaun Nasionál Ensinu Rekorente.

Hanesan Diretór Nasionál ba Diresaun Ensinu Rekorente, arguidu FLDRB, iha tinan-2007, deside hodi fó aluga fatin Dormitóriu, aula/salaun, Meja no kadeira ne’ebé mak eziste iha Diresaun Ensinu Rekorente ba Públiku no ONG sira hodi uja.

Tanba Diresaun ne’e submete ba Ministériu Edukasaun, ho nune’e Ministériu refere estabelese ekipamentu ka mobiliáriu sira iha fatin Dormitóriu nian no halo rehabilitasaun ba auditorium ka salaun sira iha Dirersaun Nasionál Rekorente nian ho objetivu hodi uja ba halo atividade sira iha relasaun ho servisu Ministériu Edukasaun nian.

Tinan-2007, arguidu FLDRB foti desizaun hodi fó aluga fatin ne’e ba Públiku, ho inisiativa rasik sein fó koñesimentu ba Ministru Edukasaun nu’udar arguidu nia Superior.

Atu fasilita servisu ne’e, arguidu FLDRB, deside no indika arguidu JV nu’udar responsavel hodi tau matan ba reseitas sira ne’ebé mak hetan husi atividade aluger ne’e.

Arguidu João Viegas mak kria oráriu no tarifa ba aluger nian, prepara dokumentu reseitas nian hanesan fatura, resíbu no nota kompra ka despeza na’in, liu hosi autorizasaun arguidu FLDRB, arguidu JV prepara dokumentu sira hanesan temi iha leten, sein konsulta ho Diresaun Finansas no Aprovizionamnetu Ministériu Edukasaun nian.

Hafoin prepara tiha dokumentu sira ne’e, hahú husi fulan Setembru tinan 2007, atividade aluger ne’e komesa la’o no to’o iha fulan-Dezembru, tinan-2010, mak atividade refere paradu tanba hetan intervensaun husi Ministru Edukasaun.

Totál reseitas ne’ebé hetan husi atividade aluger ne’e, hahu husi fulan Setembru tinan 2007, to’o fulan Dezembru 2010, hamutuk USD $40. 157.050, depózita iha Banku Mandiri, ho konta-Bankária 2: a)  arguidu JV, QQ Edukasaun naun formal ho númeru Konta Bankaria (601-00- 0024253-0) b). arguidu JV , QQ Edukasaun naun formál ho númeru Konta Bankaria, (601- 00-0044475-5).

Kriasaun konta bankaria rua ne’e inisiativa husi arguidu FLDRB nian no arguidu mak autoriza arguidu JV uza nia naran hodi estabelese konta bankária 2 ne’e.

Durante osan sira ne’e rai iha konta bankária rua ne’e, arguidu  FLDRB ho arguidu JV mak halo jestaun, no arguidu JV mak iha direitu tomak hodi movimenta osan sira ne’e.

Lee hotu :   Autoridade ZEESM kumpri rekomendasaun TC

Reseita sira hetan husi atividade ne’e, hahú husi tinan 2007 to’o 2010, nia deskrisaun hanesan relata mai ne’e: 1. Tinan 2007: a. Fulan Setembru: USD $3.429.00; b. Fulan Outubru: US $ 407.00 C. Fulan Novembru: USD $ 899,00 d. Fulan Dezembru,: USD $ 348. Total USD $ 5,083,00 2.

Tinan 2008: a. Janeiru, USD $ 270, 00 b. Fevereiru, USD $ 260,00. C. Marsu, $300,00 d. Abril, $3.480,00 e. Maiu, USD $3.518,00 1. Juñu, USD $ 625,00 g Jullu, USD $600,00 h. Agustu, USD 520,00 L Outubru, USD $ 655,00 j. Dezembru, USD $ 2.354,00 Total = 12.582,00

Tinan 2009 a. Janeiru, USD $ 100,00 b. Marsu, $ 3.880,00 c. Maiu, USD $ 4.290,00 d. Juñu, USD S 12.00 e. Agustu, USDS 140,001. Setembru,USD S 150,00 & Outubru-Novernbru 7, 176,00 h. Dezembru, USD S 100,00 Totál USD S 15,907,004.

Tinan 2010 a. Fevereinu, USD $ 1, 450,00 b. Marsu, 51. 894,00 c. Maiu, USD$ 156.00 d. Agustu, USDS 124,00 e. Setembru,USD $ 206,00 E Novembru USD S, 1,450.00 8. Dezembru, USD S 100,00 Total = USD $3,975,00 16

Relatóriu ne’e haktuir katak, arguidu FLDRB, orienta arguidu JV hodi halo levantamentu ba osan ho montante USD $ 37.701.80 hodi gasta ba atividade sira iha Diresaun Nasionál Rekorente nian.

Arguidu  FLDRB mós autoriza arguidu JV hodi uza osan ho montante USD $ 4.379, hodi konstrui armajen ida iha Diresaun Nasional Ensinu Rekorente.

Konstrusaun ba armajen ne’e rasik la liu husi intervensaun Ekipa Aprovizionamentu no Lojístika Ministériu Edukasaun nian, arguidu sira mós la aprezenta kona-ba kompana ne’ebé mak halo konstrusaun ida ne’e.

Arguidu FLDRB mak kontaktu direita badaen nain 2 hodi konstrui armajen ne’e ho osan reseita naun fiskal ne’e.

Arguidu FLDRB ho JV utiliza montante USD $2,381,00 ba atividade viajen lokál ne’ebé mak lei finanseiru la admite no arguidu sira la aprezenta dokumentu komprovativu sira kona-ba viajen lokál nian.

Arguidu sira mós hateten katak funsionáriu sira iha Diresaun Nasionál Ensinu Rekorente nian empresta tiha osan ne’ebé mak hetan husi resitas ne’e ho montante USD S 1. 500, 00, maibé arguidu sira la justifika ho dokumentu legál ruma no osan refere to’o agora la hatene nia paradeiru.

Relatóriu mós deteta katak arguidu sira uja osan ho montante USD $ 154, 080,00, la justifika ho dokumentu ruma.

Nune’e mós Iha loron 23/11/2009, Arguidu FLDRB  mós fó orientasaun ba arguida HNDA hodi utiliza osan reseita naun fiskál hamutuk USD $ 750,00 hodi halo reparasaun ka manutensaun ba kareta Land Cruizrer ho xapa matríkula 20-469 G.

Lee hotu :   [:pt]PN aprova projetu lei kriminaliza difamasaun, RDDU: Liberdade espresaun sei mout[:id]PN aprova projetu lei kriminaliza difamasaun, RDDU: Liberdade espresaun sei mout[:en]PN aprova projetu lei kriminaliza difamasaun, RDDU: Liberdade espresaun sei mout[:tl]PN aprova projetu lei kriminaliza difamasaun,RDDU: Liberdade espresaun sei mout[:]

Aleinde ida ne’e arguidu JV mós entrega osan ho montante USD $ 350,00 ba arguida HNDA hodi selu arguida nia oan nia eskola iha Indonézia.

Akontese mós katak, haktuir relatóriu ne’e arguidu sira uja resita naun fiskál hodi sosa materiál eskritóriu nian, kombustivel, trata dokumentu tránzitu iha fronteira, aluga transporte, sosa tikete Ró nian atu ba Oe-cusse, sosa materiál haris fatin nian, sosa konsumu ba funsionáriu husi Diresaun Rekorente nian, sosa sigaru no serveza.

Haree husi relatóriu ne’e, deteta momós katak utilizasaun orsamentu ba item sira temi iha akuzasaun, tuir lolós tama ona iha verba Ministériu Edukasaun nian ne’ebé mak Governu aloka ba iha kada Ministeriu idak-idak, arguidu sira la divia uza osan ne’ebé mak mai husi reseita  nau  fiskál ne’e hodi rezolve kestaun sira ne’e.

Arguidu sira la aprezenta detallu relatóriu kona-ba rekolla reseita no relatoriu gastu nian, tanba dezde inísiu kedan arguidu sira la prepara relatóriu refere, apenas iha deit lívru rejistu osan tama no sai ne’ebé mak antes ne’e arguidu sira prepara ona iha resivu, faturas no nota despeza sira.

Arguidu FLDRB, nu’udar Diretór Nasional Ensinu Rekorente, wainhira deside hodi fó aluga fatin sira ne’e ba Públiku hodi uza, sein fó koñesimentu ba Ministru Edukasaun nu’udar nia suprior irárkiku.

Tuir lolós reseita hotu-hotu ne’ebé mak Diresaun Nasionál Ensinu Rekorente hetan tenke relata ba superior irárkiku hodi entrga ba Diresaun Nasionál Finansa Ministériu Edukasaun nian no fundu  ne’e hatama direita ba konta Guvernu nian, arguidu sira la persiza kria tan konta bankária foun, maibé saida mak akontese kontrariu, arguidu  FLDRB  fó orden verbál ba arguidu JV no arguida HNDA hodi rekolla reseita naun fiskál liu husi fó aluga fatin sira hanesan Salaun, dormitoriu, refetoriu, kadeira no meza ba sidadaun, NGO no institusaun Estadu  sira ne ebé persiza sein intervensaun husi Diresaun Finansa no Lojístika Ministériu Edukasaun nian.

Haree husi relatóriu kona-ba gastu nian, arguidu sira inventa deit resivu ka fatura sira hodi justifika katak osan sira ne’e gasta ba nesesidade Diresaun Nasional Rekorente nian, maibé realidade ne’ebé mak iha Diresaun ne’e rasik hetan ona orsamentu operasionál ne’ebé aloka ona husi Governu tuir planu Ministériu nian.

Konsekuénsia direita no nesesáriu hosi hahalok arguidu sira nian ne’e Estadu Timor-Leste, hetan Prejuizu hamutuk USD $40,197.50 husi rezultadu sira iha leten, demostra katak arguidu sira la kumpre manuál Orsamentu Jerál no sistema aprovizionamentu normal iha Ministériu Edukasaun nian, ne’ebé mak hateten katak reseita hotu-hotu mai husi sétor públiku tenke submete ba Ministériu Edukasaun no hatama ba kofre Estadu.

Lee hotu :   Lere : Harii Tribunal Militar presiza RH

Arguidu sira hatene hela katak konduta ka hahalok ne’e sira halo dadun hela krime ida kona-ba ezersisiu husi nia funsaun sira hanesan Funsionáriu Públiku.

Mezmu nune’e, arguidu sira hakarak duni, deliberadamente, prejudika normál funsionamentu servisu nian no estraga sira ninia imajen iha komunidade sira nia le’et.

Arguidu sira hatene hela katak ho sira nia komportamentu ne’e, hatudu katak sira la hatene norma no prosedementu legál sira kona-ba prestasaun servisu públiku haluha tiha dever jerál sira lealdade, obdiénsia, selu no izensaun nian.

No mós devér espesiál sira funsionáriu públiku nian ne’ebé labele hetan vantajen hosi ninia pozisaun, atu asegura transperénsia no nu’udar administrativa no finanseiramente responsavel atu ezerse nia funsaun sira.

Arguidu sira nu’udar ema ne’ebé ho esperiénsia ona iha prosesu administrasaun no finansa no hatene hela katak sira labele utiliza osan sira la ho kuidadu sein iha relatóriu no resivu justikasaun ne’ebé hamosu prezuiju ba estadu.

Arguidu sira ne’e atua deliberada, livre no konxientemente, sira hatene hela katak sira labele halo hahalok hanesan ne’e no hahalok sira ne’e kontra lei.

MP akuza arguidu FLDRB  nu’udar ko-autór materiál ho forma konsumadu ba iha konkursu real ba krime administrasaun danoza, pekulatu ho falsifikasaun agravada, previstu no punidu iha artigu 274 númeru 2, 295 númeru 3 no artigu 304 númeru 2 hotu-hotu husi Kódigu Penál.

Arguida HNDA ho JV nu’udar ko-autór materiál ho forma konsumadu ba iha konkursu real ba krime pekulatu ho falsifikasaun agravada, previstu no punidu iha artigu 274 númeru 2, 295 númeru 3 no art 304 númeru 2 hotu-hotu husi Kódigu Penál.

Liu hosi audénsia julgamentu iha sala julgamentu TDD, Sasin  ASDR fó sasin katak, iha tinan 2018 sira nia parte hosi organizasaun RENETIL halo komunika ho arguidu JV hodi husu aluga fatin refere hodi halo konferénsia durante loron rua, maibé nia lembra katak lahalo kontratu tanba kongressu loron rua hafoin remata selu direita kedas, kona-ba montante selu kada loron nia parte la lembra ona.

Prokuradór Jacinto Babo deklara iha sala julgamentu katak, nia parte sei kontinua identifika tan sasin sira seluk hodi notifika nune’e bele mai presta  dekralasaun sira iha tribunál.

Hafoin rona tiha deklarasaun ne’e tribunál deside adia hikas julgamentu ne’e ba loron 17 fulan Jullu 2020 iha tuku 5:00 OTL hodi kontinua rona  sasin sira seluk.

Audénsia julgamentu ne’e prezide hosi juíz koletivu Maria Modesta, João Ribeiro, Maria Solana, Ministéiru Públiku reprezenta hosi Prokuradór Jacinto Babo, arguidu sira hetan asisténsia legál hosi Defeza Sebastião Amandio, Adelia Melok.san

Add to Comments Here!!!!

error: Content is protected.
Secured By miniOrange
You might also like:
Assanami husu MTK kontrola kabu sub-marinu

Deputadu bankada PD, Mariano Assanami Sabino,...

MEJD sei hadia aula 1500 iha teritóriu TL

Ministru Edukasaun Juventude no Desportu (MEJD),...

Telemor koopera ho sentru Quesadhip Ruak oferese foos saku 25 ba vítima inundasaun

Telemor koopera ho sentru Quesadhip Ruak,...

Close