JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

João Pires promete sei reforsa servisu minimiza movimentu ilegál

João Pires promete sei reforsa servisu minimiza movimentu ilegál

Komandante Polísia Unidade patrullamentu Fronteira (UPF) foun, Superintendente polísia João Sancho Pires, kompromete sei kontinua servisu ne’ebé komandante sesante hala’o iha liña fronteira no sei reforsa servisu membru UPF hotu, nune’e bele minimiza movimentu ilegal no merkadória ilegal iha liña fronteira.

“Primeiru agradese ba Komandante Jerál PNTL, tanba fó hela nomeasaun mai ha’u, fó fiar mai ha’u atu lídera UPF atu bele la’o ba oin. UPF nia servisu média hatene muito bem, oinsá mak bele hasa’e servisu patrullamentu iha fronteira, ema tama no sai, oinsá mak halo koordenasaun ho maluk sira husi parte sorin, para ita bele minimiza ema ne’ebé tama no sai”, Komandante UPF foun ne’e hafoin remata pose iha Kuartel Jerál PNTL, Caicoli-Díli, Kuarta (01-07-2020).

Iha fatin hanesan, KomJer PNTL, Faustino da Costa, apela ba Komandante munisípiu, Komandante unidade, Xefe Departamentu no Xefe Seksaun sira atu nafatin hala’o vizaun no misaun tuir lei ne’ebé vigora ona iha Timor-Leste.

“Ita boot sira ne’ebé hetan pose reprezenta komandu atu hala’o kna’ar ho responsabilidade atu jere rekursu tomak, tantu iha unidade, tantu iha RAEOA no munisípiu sira, diresaun xefia sira iha Komandu Jerál, prioridade Governu nian ne’ebé mak hatuur no mós hato’o ba iha komandu no instituisaun PNTL. Prepara mós maneira no estratéjia ne’ebé atu implementa ba iha objetivu estratéjiku ne’ebé iha, primeiru mak filozófia polísiamentu komunitária ne’ebé mai ho vizivilidade, involvimentu no profisionálizmu, segundu planu de asaun implementasaun kona-bá oinsá atu redúz asidente viasaun ne’ebé sai preokupasaun públiku”, tenik KomJer PNTL ne’e.

Komisáriu PNTL ne’e mós agradese mós ba esforsu tomak ne’ebé Komandante Polísia Munisípiu Díli halo ona durante implementasaun Estadu Emerjénsia no asegura kapitál Díli durante impase polítika.

Lee hotu :   Tomada posse PTR foun, PR Taur: Poder judisial tenki forte no independenti

Iha serimónia toma pose ne’e, Komandu Jerál nomeia fali Komandante Polísia Munisípiu Díli, Superintendente Xefe Armando Monteiro ba fali Munisípiu Baucau, Superintendente Xefe Henrique da Costa, lidera fali Komandu Munisípiu Díli.

Komandante UPF Superintendente Polísia, João Belo dos Reis, asume fali kna’ar nu’udár Polísia Servisu Migrasaun.

Enkuantu Komandante Munisípiu, Komandante Unidade, Xefe Departamentu no Xefe Seksaun ne’ebé simu pose hamutuk 25. san

Add to Comments Here!!!!

error: Content is protected.
Secured By miniOrange
You might also like:
MTCI rekoñese fatin turístiku iha munisípiu kuaze abandonadu

Diretór Jerál (DJ) Ministério Turismo Comerçio...

PN submete ona karta hodi publika transferénsia estraordinária tokon USD 200 resin iha JR

Parlamentu Nasionál (PN) haruka ona karta...

Padre Maubere husu deskulpa ba sarani tanba illas nain feto rahun

Paróku Sagrado Coração de Jesus (SACROJES)...

Close