JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konfrontu iha DIT, rezulta ema ida kanek todan

Konfrontu iha DIT, rezulta ema ida kanek todan

Abitante ida hetan sona hafoin konfrontu entre joven sira iha área resintu Dili Institute of Technology (DIT), suku Manleuana, postu administrátivu Dom Aleixo, munisípiu Díli.

Tuir informasaun husi Polísia katak, iha Segunda (27/7/2020) mais ou menus tuku 04:00 lokraik mosu haksesuk malu entre joven sira, ikus mai hamosu problema no tuda malu, hodi rezulta vítima Benigno Pires Soares, hetan sona ho tudik iha kotuk laran, parte liman loos no ho kondisaun  grave.

Iha akontesimentu refere, deskonfia suspeitu hala’i tama iha resintu eskola DIT, maibé, parte Polísia seidauk identifika suspeitu ne’e estudante ka lae.

Segundu Komandante PNTL munisípiu Díli, Superintendente Euclides Belo, hateten, iha akontesimentu refere PNTL seidauk detein ema ruma iha sela detensaun, tanba Polísia to’o iha fatin akontesimentu suspeitu hala’i tiha ona, maibé Polísia Eskuadra Dom Aleixo, suspeita ema na’in tolu, bolu hodi halo identifikasaun ba sira ninia identidade.

“Ita simu ona relatóriu inisiál husi eskuadra Dom Aleixo kona-bá kazu agresaun integridade fizika, ne’ebé akontese iha DIT. Tanba ne’e iha akontesimentu ne’e vítima ida mós hetan sona iha nia kaba’as parte loos, nune’e mós estragus sasna balun iha DIT, estragus sira ne’e hanesan properiadade DIT. Tanba ne’e mak parte Polísia servisu hamutuk ho DIT hodi rekolla mós imajen iha CCTV para depois apoiu Polísia hodi halo identifikasaun ba sé-sé mak envolve iha kazu agresaun fizika ne’ebé mak akontese iha parte horiseik loraik”, esplika Segundu Komandante PNTL munisípiu Díli Superintendente Euclides Belo ba jornalista sira, Tersa (28/07/2020), iha Kuartel Jeral PNTL, Caicoli-Díli.

Tuir lei númeru 5/2017, armas branka bandu ema kaer sasan kroát hodi hakanek no habadak ema seluk nia vida. avi

Lee hotu :   Problema Kompañia JYL Constuction rezolvidu

Add to Comments Here!!!!

error: Content is protected.
Secured By miniOrange
You might also like:
MF: Ema balun tenta hatama dokumentu hodi simu suplementu remuneratóriu

Ministru Finansas (MF), Fernando Hanjam, afirma,...

TL livre husi COVID-19, PM Taur: Moras ne’e mosu fali ita prontu kombate

Primeiru Ministru (PM), Taur Matan Ruak,...

Durante implementasaun EE, Pasiente hala’o tratamentu iha HNGV menus

Xefe Departamentu Emerjénsia Hospital Nacional Guido...

Close