JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Fundasaun Mahein diak liu nonok

Lere: Fundasaun Mahein diak liu nonok

Xefe Estadu Maior Falintil-Forsa Defeza Timor-Leste (FFDTL), Major Jeneral Lere Anan Timur, apela ba Fundasaun Mahein (FM) ne’ebé simu osan husi Austrália no Amérika, ne’e di’ak liu nonok, hodi labele koalia ataka bei-beik F-FDTL, tanba F-FDTL ne’e sai hanesan lutu ba nasaun.

“Ha’u apela ba organizasaun sira, liu-liu Mahein ne’ebé ataka bei-beik instituisaun no ataka bei-beik ha’u, mas ha’u hatete ba nia katak loron ida Forsa Armada sei viola direitu umanu ho nia, lori ba Tribunal ha’u mak ba responsabiliza, ou nia sai ka hasa’i tiha nia organizasaun ne’e, nia ne’e saida? Hatama nia kanuru tohar ba Forsa Armada no ba Militar nia asuntu, bele dehan militar ne’e ba ida baku ida ne’eba ne’e loos, mas nia kuandu ataka ha’u no instituisaun ne’e. Ita Timor ne’e Timor, ita la’os ema estranjeiru. Depois ONG ida ‘Fundasaun’ Mahein simu osan Austrália nini’an no Amérika ni’an seidauk to’o nonok, hakarak hatama tan kanuru tohar ba militar nia asuntu, ne’e Timor demokrasia la hanorin hanesan ne’e, lei tanba laiha ne’e, militar ne’e militar nini’an, ema ida sivíl laiha direitu no laiha kompetensia tan atu hatama o nia kanuru tohar,  por ezemplu kestaun lojístika ka administrasaun ka kilat ka saida ne’e, o kritika ne’e kritika ba baku ema, maibe fo evidensia la’os ba koalia iha media enkuantu nia komandante seidauk hatene”, Xefe Estadu Maior F-FDTL ne’e ba jornalista sira, Kuarta (29/07/2020), iha Palásiu Prezidensial Nicolau Lobato, Bairo Píte, Díli, hodi observa Fundasaun Mahein nia kritika sira hasoru F-FDTL.

Lere Anan Timur, hateten, maske  Parlamentu Nasional kondena katak membru F-FDTL halo agresaun fíziku hasoru komunidade, maibe to’o oras ne’e nia parte seidauk simu keixa ruma kona-ba kazu agresaun fíziku ne’e.

Lee hotu :   MaJen Lere: Falur mak ba Vise Xefi Estadu Maior F-FDTL ■Outubru simu pose

“Ha’u seidauk simu keixa ida formal, ha’u kuandu simu keixa formal ha’u sei husu responsabilidade ba ha’u nia ema ne’ebé komete indisiplina  ne’e, mas ha’u mos la konkorda ema sivíl tau liman nafatin ba ha’u nia soldadu, ha’u la konkorda, labele dehan katak depois ONG ida Mahein ema ne’e lakohi ukun-an karik nia kompara fali Forsa Defeza ne’e hanesan TNI, nia mos hein para loron ida nia mos simu nini’an katak forsa viola direitu umanu, aplika ba nia depois mak dehan viola direitu umanu”, dehan Major Jeneral Lere.

Nia esklarese, forsa labele sai vítima, vítima ba funu bele. Maibe vítima ba komunidade nia la konkorda, pur ezemplu kazu ida iha Manumeta-Raihun, soldadu tauk tama iha nia uma, nia maluk ba foti sai mai baku, ne’e informasaun ne’ebé nia rona, maibe nia seidauk iha relatóriu.

Major Jeneral Lere, hatutan, dala ida tan, nia parte lakohi ema sivíl tau liman nafatin ba Forsa Armada, se Forsa Armada sakrifika nia-an ba rai ida ne’e kuandu iha funu ruma, agora labele sakrifika-an ba nia populasaun rasik. Oly

Add to Comments Here!!!!

error: Content is protected.
Secured By miniOrange
You might also like:
Governu sei apoia sasán nesesidade bázika ba povu Timor-Leste

Governu liu husi Konsellu Ministru (KM)...

Akuza meja PN illegál, mosu dezintendimentu entre PPN ho Maria Barreto

Deputada bankada CNRT, Maria Barreto, liu...

Kazu kontentór sia, Advogadu husu TR-MP devolve matéria prima

Liu husi konferénsia imprensa ne’ebé hala’o...

Close