PNTL la jura ba partidu

Segundu Komandante Jerál Polísia Nasionál Timor-Leste (PNTL), Komisáriu Mateus Fernandes, hateten, membru PNTL sira hala’o juramentu dala ida de’it ba Konstituisaun Repúblika Demokrátika Timor-Leste (RDTL) no bandeira nasionál, la’os ba partidu.

 “Ami nia membru sira hotu-hotu hakru’uk ba iha konstituisaun RDTL, bandeira, karik iha evidensia ruma  katak, entre ami ruma ba jura (ba partidu) depois  investigasaun mak ita sei haree, buat ida deskonfia-deskonfia ne’e ita toman ona, ne’ebé orsida haree ba iha prova, sé mak ba jura ne’e nia prova iha ne’ebé depois mak  ita haree”, esplika Segundu Komandante Jerál PNTL, Komisáriu Mateus Fernandes, ba jornalista sira Kuarta (08/07/2020), iha Sentru Formasaun Polísia Komoro, Díli.

Alende ne’e, iha loron 2, fulan Jullu, tinan ne’e, Komandante Jerál PNTL, Komisáriu Faustino da Costa, deklara, iha Kuartel PNTL munisípiu Díli katak, deskonfia membru Polísia balun halo juramentu ba Partidu KHUNTO. avi