PNTL Liquiça prende motorizada 30

Polísia Nasionál Timor-Leste (PNTL), liu husi seksaun Tránzitu munisípiu Liquiça, hala’o pasa revista prende motorizada 30, tanba dokumentu mate no laiha karta kondusaun, inklui la monta sapa matríkula.

Motorizada sira ne’e asegura hotu iha Kuartel PNTL munisípiu Liquiça, no bainhira motorista sira ba selu tiha multa, hatudu dokumentu kompletu, hafoin Polísia entrega hikas sira-nia motorizada.

“Ha’u hanoin ida ne’e iha lei mós iha, ne’ebé kuandu nia laiha karta kondusaun tuir loloos lori ema sira ba iha tribunál, liu tiha prosesu legal balun tama iha prijaun tinan ida, rua ka tolu, tanba iha ne’ebá ne’e iha artigu ida koalia kona-bá  ida ne’e”, esplika Segundu Komandante PNTL munisípiu Liquiça, Superintendente Asistente Graciano Moniz Amaral, ba  GMN,  Sesta (24/07/2020), iha Kuartel PNTL Liquiça.

Tuir kódigu estrada númeru  6/2003, la monta sapa matríkula, sei selu multa USD sia to’o 60.

Wainhira la lori dokumentu viatura sei selu multa husi USD 6 to’o 30. avi