JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL sei hala’o operasaun ho skala bo’ot ba kareta-motorizada

PNTL sei hala’o operasaun ho skala bo’ot ba kareta-motorizada

Komandante Polísia Nasionál Timor-Leste (PNTL) munisípiu Díli, Superintendente Xefe Henrique da Costa, hateten, iha tempu besik sei hala’o operasaun ho skala bo’ot ba sirkulasaun kareta ho motorizada hotu, iha kapital Díli.

Tuir Henrique, transporte sira ne’ebé mak sirkula iha Díli-laran balun dokumentu laiha no balun dokumentu mate, maibé la ba iha Dirésaun Nasionál Transporte Terrestre (DNTT) hodi hamoris fila-fali.

Tanba ne’e, PNTL sei hala’o operasaun ho skala bo’ot loron ida, iha fatin hotu, ne’ebé mak sei envolve, membru Polísia husi Eskuadra Polísia Dom Aleixo-Comoro, Na’in-Feto, Vera-Cruz, Cristo-Rei no Eskuadra Atauro, objetivu pasa revista ne’e hodi redus asidente tráfegu.

“Loos durante ne’e ita nia Tránzitu Díli hala’o pasa revista, dala ruma iha tempu kalan ita hala’o pasa revista iha  fatin rua ka tolu, dala ruma iha loron ita halo pasa revista, ita identifika barak mak laiha dokumentu, balun karta kondusaun mate, balun laiha lampu no espellu, ho tan buat seluk tan, entaun ita hakarak hala’o operasaun ida ne’e iha  fatin hotu-hotu bele foti hotu sasan sira ne’e”, esplika Komandante Polísia Nasionál Timor-Leste (PNTL) munisípiu Díli, Superintendente Xefe Henrique da Costa, ba  GMN  Sabádu (18/07/20), hafoin enkontru ho membru Tránzitu sira iha salaun enkontru PNTL, Díli.

Husi pasa revista ne’ebé mak sei hala’o ne’e, membru Polísia sira kada Eskuadra iha kedas nota infrasaun ne’ebé mak sira prepara hodi fó ba motorista sira hodi ba selu multa iha banku.

Total membru PNTL ne’ebé mak ativu iha munisípiu Díli hamutuk atus 5, kompostu Forsa Rezerva, Seksaun Tránzitu no Servisu Investigasaun Kriminál. avi

Lee hotu :   Asegura desizaun PR, UEP treinu intensivu

Add to Comments Here!!!!

error: Content is protected.
Secured By miniOrange
You might also like:
PM Taur rekoñese Padre sira nia luta ba ukun rasik-an

Primeiru Ministru (PM), Taur Matan Ruak,...

RNDJK: PR Lú Olo viola konstituisaun tenke rezigna-an

Rezisténsia Nasional Defende Justisa no Konstituisaun...

Semana oin Governu lori fila traballadór 50, inklui mate-isin Timor-Oan husi Korea

Iha loron (30/07/2020) ne’e, Governu sei...

Close