JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ACBN firme ho Xanana salva K-RDTL hosi interese polítiku

ACBN firme ho Xanana salva K-RDTL hosi interese polítiku

Grupu Asosiasaun Kombatentes Brigada Negra (ACBN_sigla portugés) kontinua reafirma pozisaun no apela ba povu tomak atu firmeza hamutuk ho líder rezisztensia, Maun Boot Kay Rala Xanana Gusmão salva Konstituisaun-RDTL husi interese polítiku sira.

ACBN mós orgullu líder Xanana Gusmão  ne’ebé kontinua luta ba dezenvolvimentu, maske luta ba ukun rasik-an termina ona.

“Maske taka ona istória ba libertasaun, maibe orgullu ba TL, iha nia figura eminente rezistensia nian, hanesan ema matenek nain ne’ebé bele transforma situasaun imposivel ba realidade, prevalese hanesan lisaun valiozu ne’ebé Timor oan tomak presiza atu banati tuir iha ita hotu-hotu nia obrigasaun ba serví rai doben TL”, hateten portavoz ACBN, João Martins Soares alias akdeia lima, liuhosi konferensia ba imprensa, iha Ailok laran, Sábadu (29/08/2020).

Lisaun murak hosi Maun Boot Kay Rala Xanana Gusmão nian kontinua sai referensia ba nia ezersisiu intelektuál tomak hodi define estratéjia ekonomika ne’ebé pertinente atu TL emerje aas liu ka hanesan país jigante ekonómiku rua haleu TL, tuir kontestu jeopolítiku ekonómiku no estratéjia atual.

ACBN mós kondena maka’as aktu traisaun hosi Skylight nian ofensiva ne’ebé inimigu sira halo hodi destroi moral no entrega povu maubere nian, liu-liu Falintil iha empeñamentu misaun longa no prolongada ba libertasaun hodi sobu no hafahe prinsipíus mauberizmu.

“Tátika ne’e konsege hafahe Fretilin ho nia liman kroat sira ba fraksoen oi-oin hodi hamosu traisaun grave ho konsekuensias dolorosa tebes ba estandarte glorioza Falintil. Nune’e maun Boot Kay Rala Xanana Gusmão haka’as aan ho brani reorganiza funu iha konferensia Maubai, iha tinan 1981, hodi hamosu PLMF nu’udar estratéjiku altu nível ne’ebé ho konviksaun preseveransia no konfiansa ba povu nia hakarak”tenik nia.

Lee hotu :   PM Alkatiri la intervén independensia judisiál

Maun Bo’ot harí hodi hametin hikas liña funu nain sira nian, hosi ahuk desan destroisaun moral ne’ebé estrutura tomak enfrenta iha serku anikilamentu dezeñadu hosi traisaun Skyligth.

“Ho roman ida ne’e mak ita tenke intende PLFM hanesan estratéjia hosi funu nain matenek ida ne’ebé maubere TL iha, hodi kkonduz nafatin funu ho firmeza, iha luta ideolójiku entre bloku superpotente bo’ot rua, Amérika ho uniaun soviétika ho sira nia aliadus sira”,esplika João Martins Soares.

Nune’e, ACBN sélula Ailok laran hakarak apela ba povu tomak hodi hamutuk ho Maun Boot Kay Rala Xanana Gusmão salva K-RDTL nu’udar sagradu TL nian.

“Hakribi hahalok traisaun skylight no kondena ema hotu ne’eb’e envolve iha traisaun ne’e nia laran, ho laran kanek hato’o ami nia laran susar no neon sala ba sira hotu mate lakon iha serku anikilamentu ne’ebé orientadu hosi mensajen skylight ho kódigu ‘Saturnu’.

Nia dehan, sira nia grupu mós apela ba hotu-hotu atu salva K-RDTL ne’ebé oras ne’e nai ulun sira viola hodi proteze sira nia interese ba ukun.

Hamutuk no metin liutan hodi aliña ho Maun Boot, Xanana iha útima faze da luta ekonómika ne’ebé Maun Bo’ot halo atu TL mosu nu’udar país riku no  bo’ot iha páis jigante  rua nia leet.

“Ho razaun ne’e, ami so bele aseita kadoras mai TL, nu’udar kondisaun únika ba viabiliza no sustenta ekonomia TL, ba tinan barak hosi jerasaun ba jerasaun tuir vizaun Maun Bo’ot KRXG nian. E ami la aseita totalmente polítika atu dada kadoras ba Australia.tanba TL iha lejítimu atu hetan moris diak no hetan benefisíu hosi ukun aan, la’os nasaun seluk mak benefisia fali TL nia ukun an ne’e.

Lee hotu :   ADTL preokupa UNTL deskrimina ema ho defisiensia

Antes Prezidente partidu Traballista hamutuk ho nia militantes sira, halo asaun protest ba Prezidente Repúblika Francisco Guterres Lú Olo, tanba konsidera Xefe Estadu viola konstituisaun RDTL, liuhosi nia desizaun polítika ba Oitavu Governu konstitusional.

Asaun refere, nu’udar aktu ida, hamutuk ho Maun Boot Kay Rala Xanana Gusmão hodi salva konstituisaun RDTL hosi interese pessoal no partidarizmu. Say

Add to Comments Here!!!!

error: Content is protected.
Secured By miniOrange
You might also like:
Xanana prefere naran Ponte Dom Martinho Lopes ba Ponte Laleia

Líder nasionál Kay Rala Xanana Gusmão,...

Camilo: Imposivel Governu ezekuta hotu OJE 2020 fulan rua nia laran

Observadór Polítiku Universidade Nasionál Timor Lorosa’e...

Semana ne’e, RNDJK hala’o asaun kontra PR Lú Olo

Grupu Rezisténsia Nasionál  Defende Justisa no...

Close