FMTL hetan intimidasaun husi PSIK

Porta-Voz Forum Mahasiswa Timor-Leste (FMTL)  ho nia membru, deskonfia  hetan intimidasaun husi  membru Polísia Siéntifika Investigasaun Kriminál (PSIK) iha Ministériu Justisa Kaikoli Díli.

“Ami hetan intimidasaun ne’e iha loron  hat fulan  ne’e, mais ou menus tuku rua   hanesan ne’e”, ”, esplika Porta-Voz FMTL, Novelino dos Santos ba GMN  Sesta (07/08/20), iha  sala enkontru Yayasan HAK Farol Díli.

Tuir Porta-Voz ne’e hateten, iha loron hat fulan  atu hasoru Ministru Justisa  Manuel Carcéres, atu halo konfirmasaun  ba karta akta konkordánsia iha Ministru Justisa Manuel Carcéres  atu retira esbosu lei kriminaliza difamasaun .   Maibé  membru PSIK tenta halo impedementu  no ameasa  atu   hatama  Porta-Voz, ho nia kolega  sira iha sela detensaun  PSIK ninian.

Porta-Voz, ne’e lamenta  ho aktu ne’e, hodi hato’o ona keisa ba iha PDHJ atu loke prosesu investigasaun.

“Molok ami atu ba hasoru Xefe Gabinete, PSIK sira prende ami nia telefoni  no  halo pasa revista iha ami nia isin lolon. Ha’u koalia ho fuan sira halo asaun ida baa mi ne’e des humanu tebes, sira pasa revista ha’u nia kalsa ne’e rasta tuun ha’u dehan maun orsida kalsa ne’e monu ona, kolega sira hasai foto ne’e mós sira haruka hamos hotu ho ispertu”,dehan Novelino dos Santos.

Tuir Novelino dos Santos katak,   durante  iha  edifisiu PSIK ida  mós hamrik hatudu  liman  ba sira.

“Lalika halimar ami furada imi ami hatama imi  ba sela 12 de tempu, depois  ami taka liman  ba sira,  kolega ida mós trauma depois Adjuntu Diretór  PSIK  hamrik foti liman  baku meja, trata ami, depois amiasa ami  atu hatama ami iha sela”,dehan Novelino dos Santos.

Novelino dos Santosdehan, tuir  tuir lolos lideransa masimu Diretór PSIK labele  nonok de’it, superior ne’e halo netik intervensaun, tanba asaun ida ne’e ladun diak.

“Ami taka liman husu tan diskulpa, ami nia sala ne’e iha ne’ebé. Nia baku meja hanesan turtura ami ne’e. Ami  jura dehan  la halo krime, depois  ha’u nia kolega  Noe Bernadino monu pingsan, nakdedar “,dehan  Novelino dos Santos.

Novelino dos Santos  akresenta, tuir lolos protokolu mak atende prezensa FMTL.

“La’os membru PSIK sira mai atende ami hanesna ne’e, PSIK nia atende ba krime organizadu, asaun pasífiku ne’e sivil  dereitu sivil politiku”,dehan Novelino dos Santos.

Alende ne’e  Prevedória dos Dereitus Humanus Justisa (PDHJ) simu ona keisa husi Front Mahasiswa Timor-Leste kona-bá atendementu husi  ofisial PSIK  ladiak ba FMTL.

“Los duni ami simu ona keisa husi MUTL kona-bá aténdementu ladiak  halo  husi  ofisiál PSIK nian iha Ministériu justisa. Tanba   PDHJ sei halo aprésiasaun  ba keisa  ne’ebé mak tama tuir prosedimentu   internal PDHJ nian, tanba keisa sira  ne’ebé tama sei halo  relatóriu avaliasaun preliminary depois sei lori ba  komite jestaun de keisa atu desidi, keisa sira ne’e tama ba iha mandadu  PDHJ nian ka lae, depois  mak sei halo desizaun, bele loke ba investigasaun  ou bele refere ba instituisaun relevante  ou bele taka  depende ba jestaun de keisa nian”,dehan Jusuina Maria Ferreira Gomes

Iha parte seluk Adjuntu Diretór PSIK Adino Nunes Cabral hateten, tuir Adjuntu Diretór PSIK Adino Nunes Cabral  rekoñese iha loron hirak liu ba    FMTL  nia porta-Voz ho nia membru sira mai iha Ministériu Justisa, hafoin sira halo manifestasaun kona-bá  esbosu kriminaliza lei difamasaun no sai  polimika. Halo espekulasaun boot iha sosiedade nia leet.

“Mas buat ne’ebé mak Polísia   halo  iha naton ne’e sei iha faze Standar  Operasionál Prosedur (SOP), halo revista, bos ne’ebé ita tenki koalia, ne’e tuir SOP normal. Ha’u lakohi esklarese ne’e detallu liu, tanba  prosesu ne’e la’o hela ,  ita hotu respeitu kontextu Estadu demokrátiku, husik ba prosesu ne’e la’o, wainhira prosesu ne’e indisus ba krime ruma karik, prosesu ba iha tribunál. Tanba momentu ne’e ha’u mak iha ne’ebá duni no  ha’u halo ha’u nia kna’ar iha oriéntasaun, ha’u prontu ba hatan ha’u nia atuasaun ne’ebé mak ha’u halo  sé por prosesu ne’e lori ba tribunál”,dehan Adino Nunes Cabral. avi