Hahú 2017 Guarda Prizionál la simu saláriu désimu terseiru

Guarda Prizionál Becora sira husu Governu, liu husi Ministériu Justisa (MJ) atu bele halo justifikasaun ba saláriu désimu terseriu, tanba hahú husi tinan 2017 sira la simu saláriu désimu terseriu.

“Ida ne’e ha’u hamutuk ho guarda prizionais sira aprezenta ba iha leten, ha’u tenke resposta tuir guarda prizionais sira katak, buat ne’ebé atribui tuir lei, sé la tuir lei buka solusaun di’ak para nafatin halo di’ak ba maluk sira, para sira iha korajen hanesan guarda prizionais atu servisu komfortavél, sira nia kondisaun balun tenke haree ho di-di’ak”, Diretór Estabelesimentu Prizionál Becora, João Domingos hato’o informasaun ne’e ba jornalista sira iha Prizaun Becora, Sesta (21-08-2020).

Nia akresenta, maske hahú husi tinan 2017 la simu ona osan désimu treseiru, maibé guarda prizionál sira nafatin hatudu profesionalidade iha sira-nia servisu.

Hatán ba kestaun ne’e Vise Ministru, Justisa José Edmundo Caetano, promete sei haree fila-fali prosedimentu admnistrativu ne’ebé iha Ministériu Justisa (MJ) ni’an.

“Désimu treseiru halai liu ba extradordináriu dekretu lei define halai liu ba sálariu la’ós renumerasaun, maibé ba oin ha’u sei haree sira-nia reklamasaun ba MJ, ne’e prosedimentu administrativu ne’ebé tenke hala’o sira hala’o reklamasaun no rekursu ba superior, hodi hasai desizaun tuir prinsípiu legalidade, ida ne’e ha’u sei haree lei fó dalan ou lae”, tenik Governante ne’e.

Tuir dadus ne’ebé iha, dau-daun ne’e guarda priozionál Becora hamutuk 134 ne’ebé fó atendimentu ba prizioneiru atus 545. ida