JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAK kontinua halibur informasaun sidadaun sira kontra regulamentu subsídiu USD 100

KAK kontinua halibur informasaun sidadaun sira kontra regulamentu subsídiu USD 100

Komisaun Anti Korupsaun (KAK) kontinua halibur dadus kona-ba sidadaun sira ne’ebé kontra regulamentu ba subsídiu USD 100 ba kada uma kain hodi entregra ba Ministériu Públiku (MP).

Komisáriu Komisaun Anti Korrupsaun, Sérgio Hornai, hateten, iha kestaun administrativa nian CAC rekomenda nafatin ba autoridade nakait instituisaun Estadu nian hanesan Ministériu Solidariedade Sosial no Inklusaun (MSSI), Ministériu Finansas (MF) no Ministériu Administrasaun Estatal (MAE) atu halo melloramentu ba  iha prosesu administrativu ne’ebé maka seidauk priense tuir espíritu dekretu lei ba pagamentu agregadu famíliar.

Komisáriu ne’e esplika mós katak, CAC halo advertensia atu Governu liu husi MSSI bele bolu nafatin ema sira ne’ebé la’os benefisiáriu simu tiha ona atu bele devolve fali osan ne’ebé simu ona ba instituisaun Estadu, liu husi Xefe Suku no MSSI atu bele rekompensa fila-fali. Além de ne’e sira ne’ebé maka iha relasaun ho krime CAC sei lori prosesu ne’e ba iha Ministériu Públiku.

“Hanesan iha relatóriu ida ne’ebé maka tama iha âmbitu administrative ita rekomenda nafatin para bele halo reuniaun ida intensiva liu-liu husi diresaun prevensaun Komisaun Anti Korupsaun halo nafatin aproximasaun ho ita nia autoridade kompetente atu bele haree ida ne’ebé má jestaun administrasaun hodi hadi’a atu nune’e labele prejuizu ba estadu ita hadi’a nafatin. Hanesan hau temi tia ita halo nafatin apuramentu informsaun sira dokumentu sira hodi haree iha dunik k alae razaun atu ita bele kriminaliza no fo hatene ba autoridade judisiária hanesan Ministériu Públiku para haree ida ne’e”, dehan Komisáriu Komisaun Anti Korrupsaun, Sérgio Hornai, hafoin halo abertura ba semináriu no aprezentasaun rezultadu monitorizasaun no deskobrimentu sira relasiona ho subsídiu agregadu familiar ba autoridade lokál munisípiu Díli iha Sentru Formasaun Judisiária, Caicoli, Segunda (31-08).

Lee hotu :   Lere: Minstru Defeza tau ema ne’ebé komprende militar Forsa retira husi Uatulari

“Inklui mos ema sira halo falsifikasaun, tamba dalaruma ema elejível no la elejível ema ne’ebé maka elejível entaun nia simu se la elejível entaun nia labele simu. Se nia la forma família nia labele simu, tamba sa maka nia tenki ba simu, se nia laiha família nia labele simu. Se nia simu osan boot liu liu dolar 500 nia labele simu, se  nia emprezáriu nia rendimentu ne’e boot liu nia labele simu osan ne’e”, esplika nia.

Entretantu Prezidente Autoridade Munisípiu Díli, Gaspar Soares, hateten, prontu kolabora ho autoridade judisiária, bainhira identifika autoridade lokal balun komete atu korupsaun iha durante implementasaun medidas Governu nian hodi fo subsídiu ba agregadu famíliar sira iha Timor-Leste.

“Karik aban bainrua maka deside katak iha autoridade lokal ou autoridade suku sira envolve iha problema balu ne’ebé konsideradu hanesan korupsaun konserteza munisípiu Díli sei koopera, hahu husi Prezidente Autoridade mai to’o iha kraik se de’it maka komete problema balu ne’ebé identifikadu hanesan korupsaun konserteza katak tenki responsabiliza”, hatete Prezidente Autoridade munisípiu Díli ne’e.

Antes ne’e, iha loron 15, fulan Juñu, Komisaun Anti Korupsaun (KAK), Provedoria Direitus Humanus no Justica (PDHJ), Inspetur Jerál Estadu (IJE), lansa ona monitorizasaun durante prosesu pagamentu agregadu família no iha monitorizasaun ne’e ekipa konjunta observa katak iha risku potensiál ba falsifikasaun dadus fixa família abuzu de poder no halo kobransa ilegal. oct

Add to Comments Here!!!!

error: Content is protected.
Secured By miniOrange
You might also like:
Xanana: 30 Agostu 1999, joven sira aprende no sai ema di’ak ona ne’e mak vota integrasaun

Eis Komandante em Xefe FALINTIL, Kay...

ACBN firme ho Xanana salva K-RDTL hosi interese polítiku

Grupu Asosiasaun Kombatentes Brigada Negra (ACBN_sigla...

Xanana prefere naran Ponte Dom Martinho Lopes ba Ponte Laleia

Líder nasionál Kay Rala Xanana Gusmão,...

Close