JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu kazál Timor-Oan, TDD sei halo apresiasaun ba relatóriu BNN

Kazu kazál Timor-Oan, TDD sei halo apresiasaun ba relatóriu BNN

Tribunal Distritál Díli (TDD) sei halo apresiasaun ba rekerimentu husi Ministériu Públiku (MP), relasiona ho relatóriu teste ba matéria droga ho tipu pil Ecstacy husi laboratóriu Badan Narkotika Nasional (BNN), Indonézia.

Kazu droga ne’e deskonfia komete husi arguidu JGB ne’e antes ne’e haruka kazál Timor-Oan ne’ebé dau-daun ne’e kumpre hela prizaun iha Indonézia, lori ekipamentu printer ne’ebé tau droga iha laran ba Nusa Tenggara Timur (NTT) Indonézia, liu husi fronteira Mota-Ain.

Tuir informasaun ne’ebé sita husi Prokuradór Titulár, Hernanio Rangel, hateten, tuir loloos ohin (Sesta-red) kontinua re-alegasaun, maibé tribunál husu MP atu aprezenta relatóriu ba teste droga ne’ebé arguidu JGB haruka ba Indonézia hodi tribunál halo apresiasaun.

“Razaun tribunál adia julgametu ne’e, tanba tribunál sei halo apresiasaun ba relatóriu husi BNN ne’ebé antes ne’e parte tribunál rekere ba MP atu aprezenta”, Prokuradór Titulár ne’e ba jornalista sira iha TDD, Sesta (28-08-2020).

Alende ne’e, MP mós husu tribunál atu halo re-alegasaun, tanba relatóriu ba teste matéria droga ne’e pozitivu.

Tanba ne’e, tribunal deside adia ba loron 31, fulan ne’e, tuku 03:30 oras Timor-Leste, hodi kontinua julgamentu.

Antes ne’e, iha loron 4, fulan Agostu, liu husi Prokuradór Titulár, Luís Hernanio Rangel iha alegasaun solisita tribunál atu aplika pena efetivu tinan 15 ba arguidu JGB, deskonfia komete krime tráfiku ilísitu ba droga, ne’ebé antes ne’e haruka kazál Timor-Oan lori Pil Ectasy ho totál musan 4.874 sai husi teritóriu Timor-Leste ba Indonézia, iha tinan 2019.

Tuir aktu ne’e arola husi Ministéiru Públiku (MP) katak, iha loron 29, fulan Maiu, tinan 2019, Polísia Investigasaun Nasionál Narkotika ni’an simu informasaun (via whatsapp), husi POLRI-Indonésia iha Atambua Mota-Ain, iha loron ne’eba mais ou menus iha tuku 15:30 katak, POLRI detein ona kazál Timor-Oan iha Mota-Ain, ne’ebé mak partensia ba teritóriu  Indonézia ni’an, tanba lori droga ho tipu Ectasy.

Bainhira Polísia Indonézia halo detensaun no pasa revista ba kazál Timor-Oan ne’e deteta katak, sira lori duni Pil Ectasy husi teritóriu Timor-Leste ho nia kuantidade 4.874, ho nia modelu ne’ebé mak hanesan, maibé kór mak la hanesan, balun kor matak, azul no kor kafé.

Lee hotu :   Kazu Ró Haksolok kontinua iha prosesu investigasaun

Bainhira autoridade Indonézia halo pasa revista no halo mós inkéritu ba kazál Timor-Oan ne’e sira deklara katak, arguidu JGB mak haruka sira na’in rua lori printer (tau droga iha laran) ne’e ba Indonézia.

Bainhira autoridade Polísia Timor-Leste hatene ona katak, arguidu JGB iha hela Timor-Leste, nune’e polísia halo kedas detensaun ba arguidu JGB, nune’e iha inkeritu arguidu deklara katak, nia parte mak haruka duni kazál ne’e lori (sasan printer) ba Indonézia atu fó ba ema ne’ebé mak nia identifika ona, ho númeru telefone Indonézia ni’an iha Kupang.

Iha aktu husi MP ni’an ne’e mós haktuir katak, arguidu hetan droga sira ne’e husi ema Afrikanu ida husi Nigéria no naran inisiál VCO, modelu atu transforma sasan sira ne’e husi estranjeiru ho nia distinasaun mak nasaun Indonézia, maibé sasan ilísitu sira ne’e tenke tama lai mai teritóriu Timor liu husi arguidu nia kompañia JVK, hafoin mak arguidu haruka fali ba Indonézia liu husi Kupang.

Arguidu mós haruka ona sasan ba Indonézia ho nia modelu hanesan dala tolu ona no sasan sira ne’e mai husi sidadaun Afrikanu ho inisiál VCO ba arguidu, hafoin arguidu transforma fali sasan sira ne’e ba Indonézia.

Arguidu simu sasan paket printer (dorga iha laran) ho marka EPSON, iha loron 2, fulan maiu, tinan 2019, husi sidadaun Afrikanu VCO.

Nune’e iha loron 2, fulan Maiu, tinan 2019, ne’e kedas, arguidu transforma printer (droga) ne’e ba Indonézia liu husi Mota-Ain, Atambua no ema ne’ebé mak lori mak kazál Timor-Oan, ho inisiál JS no nia kaben.

Timor-Oan ho inisiál JS servisu hamutuk ho arguidu iha kompañia JVK internasionál, enkuantu JS ho nia kaben, hetan ona kondenasaun husi nasaun Indonézia, tanba lori sasan ilísitu (droga/pil ectasy) ne’ebé arguidu JGB mak haruka.

Lee hotu :   TRIBUNAL ADIA DESIZAUN BA KAZU LÚCIA LOBATO

Ho aktu sira ne’e, MP konsidera arguidu halo ho forma livre, deliberada no konsientemente hatene momoos katak, simu husi ema seluk (rede internasionál), rai no haruka ou transfere sasan ilísitu (droga), atu nune’e arguidu bele hetan vantajen husi hahalok ilísitu ne’e no arguidu halo duni hahalok sira ne’e hanesan meiu ka instrumentu ida ne’ebé mak raptu no adekuadu.

Arguidu mós hatene hela katak, hahalok ka konduta ne’ebé mak nia halo proibidu tuir lei penál.

Tanba ne’e, MP akuza arguidu ho krime tráfiku ilísitu no atividade ilísita, ne’ebé previstu iha artigu 7, lei númeru 2/2017 kona-bá kombate tráfiku no konsumu ilísitu ba droga. san

Add to Comments Here!!!!

error: Content is protected.
Secured By miniOrange
You might also like:
Fulan ne’e, SERVE.IP simu pedidu husi kompañia 20 taka atividade

Servisu Rejistu Verifikasaun Emprezariál Institutu Públiku...

PR promulga ona primeira alterasaun dekretu-lei suplementu remuneratóriu

Prezidente Repúblika (PR), Francisco Guterres Lú...

Kazu soe bebé iha Ailok Laran, TDD aplika prizaun preventiva ba arguidu sira

Liu husi prosesu Primeiru Interogatóriu (PI)...

Close