JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kondutór Taxi ida hetan baku iha área TDD oin

Kondutór Taxi ida hetan baku iha área TDD oin

Kondutór  Alex Kefi hetan baku, hafoin haksesuk malu ho nia kolega kondutór kareta privadu ida  iha área resintu Tribunál Distritál Díli  nia oin. Problema  ne’e akontese Tersa (04/08/20), mais ou menus tuku 12 resin meiudia oras Timor-Leste.

Husi akontesimentu ne’e, vítima  Alex Kefi hetan baku husi  kondutór ida, hodi  rezulta ibun-laran  kanek.

Ho aktu krime ne’e vítima  Alex Kefi, lamenta,  hodi husu responsabiliza ba kondutor ne’ebé mak halo krime.

“Ha’u tuun mai husi lampu sinais nian,  ha’u sees  husi kareta derepenti de’it nia kondutór tolok ha’u ho liafuan a’at. Tanba ne’e ha’u responde maun koalia didiak de’it, ne’ebé nia sai husi kareta  laran dehan mai ha’u o hakarak halo saída, ha’u responde hodi dehan,  buat ida tuur iha besi leten ne’e koalia didiak de’it. Ne’ebé nia tuun to’o tribunál nia oin nia tolok nafatin de’it, ne’ebé tun hodi husu nia maun tanba saída mak tolok nune’e, nia sai husi kareta  laran langsung tuku kedas”,esplika vítima  Alex Kefi ba jornalista  sira Tersa (04/08/20), iha Resintu Tribunál Distritál Díli.

Alende ne’e sasin Sebastião Jeca Ximenes, hateten,  iha akontesimentu ne’e nia haree  ho matan hodi ba hapara problema ne’ebé mak akontese.

“Ha’u haree sira na’in rua tolok malu, depois kondutór taxi para tiha kareta ne’ebé mak nia kondus hodi  husu tuir, maibé ho nervozu sira baku malu de’it, ne’e mak ha’u ba sory  sira na’in rua, too Prokuradór sira mós sai mai hodi sira na’in rua, sira na’in rua hakarak rezolve família, ne’e mak sira bolu malu tuur hodi koalia iha postu seguransa laran ne’ebá”,dehan  Sebastião  Jeca Ximenes.

Lee hotu :   Alfándega-F-FDTL kaptura ema nain 7, no prende Ro 2

Iha fatin hanesan motorista ne’ebé mak  halo krime  João Corte-Real hateten,  prontu atu rezolve tuir família, maibé depende husi   vítima.

 “Depois  to’o iha lampu hijau, ha’u tuir ha’u nia dalan, depois ha’u aranka derepenti nia tuir  husi ninian, depois nia korta,  entaun ha’u dehan ba nia o nia matan la haree ka, komo ha’u hasai liafuan tolok oituan  iha altura ne’ebá ne’ebé konsege haksesu malu nia mós komesa reazen ona, ha’u  mós la foti kartaun, depois  ha’u liu de’it ona, maibé derepenti nia palan kareta hodi para ha’u, ne’ebé ha’u para iha oin, ha’u tuun mós la halo buat ida, komo nia hasai liafuan mal mak ha’u basa nia oituan. Ha’u hanoin katak, tenki rezolve, haree ba situasaun ita rezolve”,dehan João Corte-Real.

Entertantu tuir observasaun GMN  iha terenu, haree katak, durante problema ne’e, kria mós engrafamentus minutu balun iha área refere.

Kareta  taxi ne’ebé mak vítima kondus ho sapa  matrikula  34-921 TL no  kareta  marka Honda Jas koor Silfer  ho nia sapa matrikula A.20-527 TL.avi

 

Add to Comments Here!!!!

error: Content is protected.
Secured By miniOrange
You might also like:
MD sei reforsa tan lojístika no fasilidade apoia membru F-FDTL iha fronteira

Ministru Defeza, Filomeno Paixão, deklara, maske...

APORTIL sei promove Timor-oan 40 sai tripulante ba ró Nakroma

Prezidente Konselhu Administrasaun Portu Díli (APORTIL),...

Governu deside senáriu haat ba OJE 2021

  Oitavu Governu  realiza jornada orsamental...

Close