Konfrontu Luru-Mata, ema ida kanek no estraga uma tolu

Konfrontu ne’ebé akontese iha aldeia 03 Luru-Mata, suku Fatuhada, postu administrátivu Dom Aleixo, munisípiu Díli,  Kinta  (14/08/20) mais ou menus  tuku  12:00  kalan,  ne’e  deskonfia envolve husi membru Grupu Arte Marsial (GAM) ne’ebé Governu reativa.

Relasiona ho akontesimentu ne’e, Polísia Eskuadra Dom Aleixo ba ona iha fatin akontesimentu iha aldeia 03 , Sesta (14/08/20), hodi husu informasaun ba vítima uma-na’in sira.

Iha fatin hanesan, vítima ou uma na’in, Eva Soares Ximenes, husu ba Polísia  atu halo  identifikasaun ba suspeitu sira, hodi halo kapturasaun, atu nune’e bele responsabiliza ba aktu krime ne’ebé mak sira komete ne’e.

“Husu ba Ofisiál Polísia Suku (OPS), membru Konsellu Polísia Komunitária no Polísia Eskuadra Dom Aleixo, atu buka tuir suspeitu sira, depois ema ne’ebé mak horikalan mai asalta ami nia uma no sobu ami nia sasan agora dau-dauk iha hela Hospitl NaCional Guido Valadares (HNGV), ne’ebé hakarak ka lakohi nia mak sai sasin ba ami no autór ba kazu ne’e”, hateten Eva Soares Ximenes.

Tuir informasaun Polísia, kazu Luru-Mata deskonfia envolve husi membru GAM ne’ebé mak Governu reativa ona.

Iha akontesimentu ne’ebe refere rezulta odamatan uma naksobu, vidru janela rahun, inklui harahun jeleira ida. Avi