Lere: Ha’u la’ós FRETILIN 2000

Xefe Estadu Maior FALINTIL-Forsa Defeza Timor-Leste (F-FDTL), Majór Jenerál, Lere Anan Timur, hateten, nia ema FRETILIN ida husi 1975 to’o 1999, la’os FRETILIN ida 2000 ne’e. 

Lere Anan Timur hateten lia hirak ne’e hodi haktuir katak iha intervensaun balun iha públiku dalaruma halo ema balun deskontente, maibé ne’e normál.

“Ha’u-nia intervensaun dalaruma balun la gosta, mas iha mundu ne’e hanesan ne’e hotu-hotu gosta malu laiha, balun gosta malu, balun la gosta malu. Ne’e mak ha’u-nia intervensaun dalaruma balun la gosta, dalaruma sira dehan ha’u ne’e FRETILIN, mas sé ha’u nega-an ha’u la’ós FRETILIN, ha’u nega ha’u-nia-an, mas la’ós FRETILIN agora, ha’u FRETILIN 75-99, la’ós FRETILIN 2000 mai agora”, esplika Lere Anan Timur, atuál Xefe Estadu Maiór Jenerál F-FDTL, liu husi diskursu komemorasaun loron FALINTIL ba 45, ne’ebé mak hala’o iha eis edifísiu administrasaun Liquiça Villa, Sesta (21/08/2020).

Lere akresenta, iha segundu konferénsia nasionál iha ai-laran, iha tinan 1981, nia hetan hili konferensista sira ho votus 35, atu sai hanesan membru Comite Central FRETILIN (CCF). avi