PNTL detein ema na’in rua suspeita ba kazu rama ambon

Polísia Nasional Timo-Leste (PNTL)  Eskuadra Cristo-Rei iha Domingu (09/08/20),  tuku tolu madrugada detein ema na’in rua ho inisiál TDS ho HRS, tanba deskonfia lori rama ambon.

Tuir informasaun Polísia,  suspeita rama ambon na’in rua ne’e, deskonfia husi parte Comoro, maibé partisipa diskoteka ida iha Metiaut.

Iha momentu Polísia halo detensaun ba sidadaun rua ne’e ho kondisaun lanu todan.

Polísia rekolla mós motorizada rua ne’ebé mak kondus husi  suspeita  rama ambon, motorizada rua ne’e mak  ida scopi ho sapa matrikula P 0463 TL no K 6728 TL.

Motorizada rua ne’e asegura ona iha Eskuadra Cristo-Rei ho evidensia rama ambon.

Polísia konsidera  mane na’in rua ne’e, kontra lei númeru 5/2017,  armas brankas, tanba lori sasan kro’at.  Tanba ne’e, Polísia  tenki detein ema na’in rua ne’e iha sela detensaun durante oras hitu nulu resin rua, hafoin submete ba primeiru interogatóriu iha tribunál  distritál Díli.

 Alende   ne’e iha Domingu (09/08/20),  vítima Luis  Mendes, hato’o keisa ba iha Polísia, tanba ema lori osan falsu, ho montante  dolar rua nulu, bosok hodi  sosa nia sasan kios  ida iha Bekora. Kazu ne’e submete  ona mós ba iha prosesu investigasaun.

Suspeitu ba kazu ne’e vítima koñese, hein atu  kapturasaun. avi

Leave a Reply

Your email address will not be published. Required fields are marked *