PSIK detein Timor-oan rua lori osan falsu USD 900

Polísia Sientífika Investigasaun Kriminál (PSIK), detein  suspeitu  na’in rua, wainhira tenta lori osan falsu USD 900 atu troka iha Banco Central de Timor-Leste (BCTL).

Iha Kuarta (26/08/20) PSIK simu informasaun husi BCTL, hodi  ba kaptura sidadaun Timor-oan na’in rua   ho inisiál AS nu’udár ema sivíl no  ida membru FALINTIL-Forsa Defeza Timor-Leste (F-FDTL) ho inisiál LS.

Tuir informasaun husi PSIK, suspeitu na’in rua ne’e sei detein durante oras 72, iha sela PSIK nini’an, hafoin  submete ba prosesu investigasaun.

Relasiona ho kazu  refere, Komandante Komponente Naval F-FDTL Kapitaun Fragata, João da Silva, ho Komandante  Unidade Polísia Militar Majór Abel da Costa Xavier “Niki”  dezloka kedas  ba iha edifísiu PSIK hodi hala’o enkontru ho Adjuntu Diretór PSIK, Adino Cabrál kona-bá kazu refere.

Hafoin enkontru tiha jornalista sira tenta atu halo konfirmasaun ho Adjuntu Diretór PSIK, Adino Cabral, maibé okupadu ho servisu. avi