JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Salva povu TL husi COVID-19, Xanana apela ba UPF sira servisu maka’as

Salva povu TL husi COVID-19, Xanana apela ba UPF sira servisu maka’as

Eis Prezidente Repúblika, Kay Rala Xanana Gusmão, hatete, atu salva povu Timor-Leste tomak husi pandemia COVID-19 maka Polísia Unidade Patrullamentu Fronteira (UPF) atu servisu maka’as liu tan hodi labele haree ba kondisaun difísil ne’ebé imi hasoru.

Líder nasionál Kay Rala Xanana Gusmão fó apelu ne’e ba UPF sira ne’ebé hala’o knaar iha Rejiaun Administrativa Espesial Oecusse Ambeno (RAEOA), Domingu (23/8/2020), bainhira vizita fronteira entre Timor-Leste ho Indonézia iha RAEOA.

“Ha’u husu bo’ot deit katak, iha momentu difísil ne’ebé ita-nia Estadu, ita nia povu enfrenta, imi labele sente katak, ho kondisoens sira ne’e imi terus. Ha’u la koalia polítika iha ne’e. Ha’u hatene imi akompaña buat hot-hotu ne’ebé difikulta karik, bele atraza karik? Labele sente katak tanba kondisoens hanesan imi mak terus liu iha Timor laran. ‘UPF sira hatán’ prontu! Hanesan ne’e duni. Ita hotu kumpri ita-nia devér hodi salva ita-nia povu husi moras COVID-19 hodi labele hamate ita. Ha’u la husu favór ba imi, ha’u halo apelu ba imi deit lor-loron servisu lalika hanoin ba imi-nia situasaun a’at, servisu ho kole, ho matan-dukur, ho buat sira ne’e hotu imi servisu nafatin serví povu. Ba ida ne’e mak imi sai Polísia imi mai UPF, rona ka lae? ‘UPF sira hatán’ prontu. Hanesan ne’e duni”, dehan Xanana hodi motiva Polísia UPF sira atu servisu ba povu no nasaun labele sura kole.

Tanba ne’e, eis komandante em Xefe FALINTIL Kay Rala Xanana Gusmão husu nafatin ba UPF sira atu iha koordenasaun diak nafatin ho populasaun no mos líder komunitária sira atu fó susesu ba atividade imi nian.

Lee hotu :   [:pt]Kazu MOPTC, TDD adia desizaun final ba Gastão Sousa[:id]Kazu MOPTC, TDD adia desizaun final ba Gastão Sousa[:en]Kazu MOPTC, TDD adia desizaun final ba Gastão Sousa[:tl]Kazu MOPTC, TDD adia desizaun final ba Gastão Sousa[:]

“Husu imi halo koordenasaun ho populasaun ho komunidade sira atu COVID-19 la tama iha ita-nia rai”, dehan tan Xanana.

Líder karismátiku ne’e kontinua afirma katak, nia mai vizita iha RAEOA hodi mai to’o iha fronteira entre Timor-Leste ho Indonézia ne’e atu fó hanoin ba populasaun sira tenke koopera nafatin ho autoridade polisial sira nune’e labele ultrapasa fronteira tuir hakarak no atu fó hanoin mos ba UPF sira tomak hodi servisu ba nasaun ho fuan ho laran, maske kondisaun la permite.

“Ha’u mai to’o ona iha ne’e, haree tiha ona, maibe ha’u labele halo buat ida. Mas kala bele fó hanoin ba ema seluk karik ka oinsa? Mas lalika espera katak, fulan rua ka fulan tolu buat ne’e atu sai diak. Husu nafatin imi-nia espíritu sakrifísiu hanesan imi hakerek tiha ona katak, ami-nia sakrifísiu mak ami-nia dedikasaun. Dedika-an nafatin ba! povu sei hadomi imi”, dehan Xanana Gusmão.rex

Add to Comments Here!!!!

error: Content is protected.
Secured By miniOrange
You might also like:
Eis deputadu Asembleia Konstituinte ezije PPN hatúr la-lais meza foun

Eis deputadu sira husi primeira lejislatura...

Hahú 2017 Guarda Prizionál la simu saláriu désimu terseiru

Guarda Prizionál Becora sira husu Governu,...

TDD adia leitura desizaun kazu kazál Timor-Oan

Tribunál Distritál Díli (TDD) adia julgamentu...

Close