JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana ne’e, RNDJK hala’o asaun kontra PR Lú Olo

Semana ne’e, RNDJK hala’o asaun kontra PR Lú Olo

Grupu Rezisténsia Nasionál  Defende Justisa no Konstituisaun  (RNDJK) sei hala’o konsentrasaun massa iha loron 4, fulan Setembru ne’e, hodi atualiza asaun pasífiku kontra Prezidente Repúblika (PR), Francisco Guterres Lú Olo ne’ebé fó ukun ba malu la tuir lei no konstituisaun Timor-Leste nian.

Relasiona asaun ne’ebé mak sei hala’o ne’e, Porta Voz grupu RNDJK RDTL, Ângela Freitas, ho nia ekipa iha Segunda (31/08/20) hala’o enkontru ho Komandante Operasionál Polísia Nasionál Timor-Leste (PNTL), Superintendente Xefe  Pedro Belo no Porta Voz PNTL, Superintendente Xefe Arnaldo Araújo, inklui Segundu Komandante PNTL munisípiu Díli, Superintendente Euclides Belo.

Objetivu enkontru ne’e Ângela Freitas ho nia ekipa informa kona-bá realizasaun manifestasaun ne’ebé atu realiza iha Kinta (04/09/20).

Porta-Vo grupu RNDJK RDTL,  Ângela Freitas hateten, massa ne’ebé mak sei partisipa manifestasaun ne’e mai husi munisípiu 12, inklui Rejiaun Administrasaun Espesiál Oe-Cusse Ambeno (RAEOA).

Tanba ne’e mak prezensa Porta Voz grupu RNDJK RDTL, Ângela Freitas, husu PNTL  atu fó seguransa ba manifestasaun ne’ebé mak sei realiza iha Tasi Tolu, suku Comoro, postu administrátivu Dom Aleixo, munisípiu Díli.

“Enkontru ne’e kontinuasaun  husi enkontru semana pasada kona-bá data konsentrasaun marsa populár ne’ebé mak atu realiza iha loron 4, fulan Setembru”, esplika Porta Voz grupu RNDJK RDTL, Ângela Freitas, ba  jornalista sira iha Kuartel Jerál, PNTL, Caicoli, Díli.

Ângela Freitas, rejeita fó sai númeru ema hira mak sei partisipa iha asaun pasífiku refere, maibé asaun ida ne’e livremente kada responsabel atu lori massa tun mai Díli.

Ângela Freitas reforsa katak, ema ne’ebé mak asina petisaun kontra Estadu hamutuk rihun atus rua resin, husi munisípiu 12, inklui RAEOA ne’ebé mak preokupa situasaun atuál iha rai-laran.

Lee hotu :   MD PRONTU DEZENVOLVE F-FDTL

Alende ne’e, PNTL autoriza grupu RNDJK RDTL, atu hala’o asaun pasífiku, maibé tenke kontribui ba estabilidade.

“Ami konkorda tiha ona katak kona-bá fatin sira atu halo asaun ne’e iha Tasi Tolu, atu nune’e Polísia bele asegura ho diak”, dehan Arnaldo Araújo.

Arnaldo realsa,  grupu RNDJK mós priense ona rekezitu tuir  lei númeru 1 artigu 5 konstituisaun RDTL, hodi hala’o asaun iha loron 4, fulan Setembru to’o  loron  18, maibé RNDJK tenke hadia sira-nia karta koñesimentu balun.

Asaun pasífiku ne’ebé mak sei hala’o ne’e hodi kontra desizaun Prezidente Repúblika kona-bá formasaun Oitavu Governu, ne’ebé mak dadaun ne’e  lideradu husi Primeiru Ministru, Taur Matan Ruak. avi

Add to Comments Here!!!!

error: Content is protected.
Secured By miniOrange
You might also like:
Lere la tolera ema halo demonstrasaun hatún PR

Xefe Estadu Maior FALINTIL-Forsa Defeza Timor-Leste...

Konsellu Estadu rekomenda PR Lú Olo estende EE ba daha’at

Chefe Casa Civíl, Francisco de Vasconselhos,...

Deskonfia envolve pasajen osan falsu, TDD aplika aprezentasaun periódika-TIR ba arguidu sira

Liu husi prosesu Primeiru Interogatóriu (PI),...

Close