Sergio Hornai: Ekipa konjunta salva osan Estadu USD 385.400 husi benefisiáriu

Durante halo akompañamentu no monotorizasaun ba prosesu pagamentu agregadu família, ekipa konjunta Komisaun Anti Korupsaun (KAK), Provedoria Direitus Humanus no Justisa (PDHJ), Inspesaun Jerál Estadu (IJE), Komisaun Funsaun Públika (KFP), konsege impede benefisiáriu ne’ebé la elejivel atu asesu ba subsídiu agregadu família hamutuk 1927 no konsege salva osan Estadu ho total estimativa USD 385.400.

“Husi impedimentu ne’e, KAK, PDHJ, IJE no KFP, konsege salva osan Estadu ho total estimativa hamutuk 385.400 dolar Amerikanu”, dehan Komisariu KAK, Sérgio Hornai, liu husi konferensia imprensa, Kuarta (05/08/2020), iha Farol, Díli.

Komisáriu KAK haktuir, alende impende no salva osan Estadu, ekipa konjunta mós identifika benefisiariu sira ne’ebé la elejivel tuir lei sira, maibé sira konsege simu asesu ona ba pagamentu subsídiu ne’e, nune’e ekipa la konsege impede benefisiariu hamutuk 148 ho total osan hamutuk USD 29.600.

“Esforsu ekipa konjunta halo hodi impende benefisiariu agregadu familia ne’ebé la elejivel atu simu subsidiu ida ne’e hatudu katak, esforsu sira ne’ebé ekipa halo maske oituan, maibé konsege impede ema lubun ida ne’ebé iha intensaun hakarak hetan benefisiu hosi subsidiu dolar 200”.

Fatin no Suku ne’ebé ekipa konjunta halo observasaun no monitorizaun hodi impende benefisiariu la elejivel simu subsídiu iha munisípiu 9 mak hanesan, Ermera, Manatutu, Likisa, Aileu, Baukau, Lautém, Bobonaru, Díli no Oe-Cusse, ho total hamutuk 141, husi total suku 452 iha nível teritorial.

Iha fatin hanesan, Provedora PDHJ, Jesuina Maria Ferreira Gomes, hateten, subsídiu agregadu família ida ne’e fó ba uma-kain, entaun uma-kain iha definisaun katak, iha Xefe Familia iha konjuga no iha nia dependente ruma iha ne’eba.

“Maibé iha prosesu monotorizaun ne’e hetan, iha joven barak ne’ebé seidauk forma familia la priese rekezitu leí númeru 15/2020 sai mós benefisiariu hotu, entaun iha momentu ne’eba ekipa konsege trava naran sira hanesan ne’e”.

Iha mós família balun naran doubru katak, fen ho la’en iha familia ida, maibé sira rejistu iha fatin ne’ebé la hanesan ekipa konsege detekta no trava. Fel