TDD adia prosesu PI ba kazu soe bebé iha Ailok Laran

Tribunál Distritál Díli (TDD), liu husi prosesu Primeiru Interogatóriu (PI) ba kazu infantisídiu ne’ebé akontese iha Ailok Laran-Díli, tribunál seidauk aplika medida koasaun ba arguidu na’in rua, tanba tribunál sei tetu hafoin aplika medida koasaun ba arguidu sira.

Tuir informasaun ne’ebé GMN hetan husi ofisiais Justisa iha tribunál katak, juíz seidauk foti desizaun, “tribunál seidauk foti desizaun hodi aplika medida koasaun ruma ba arguidu na’in rua, tanba ne’e adia ba aban (27/08), tuku 10:00 oras Timor-Leste, hodi rona desizaun prosesu PI ni’an”, dehan Ofisias ne’e iha TDD, Kuarta (26/08/2020).

Ministériu Públiku promove arguidu sira ho krime Infantisídiu ne’ebé previstu iha artigu 142, artigu 31 kona-bá instigasaun, artigu 141 instigasaun ba grávides, tuir Kódigu Penál Timor-Leste.

Kazu soe bebé ne’e akontese iha loron 16, fulan ne’e, iha aldeia Lemorana partense ba suku Dare no aldeia Terus Na’in partense ba suku Vila Verde, munisípiu.

Prosesu PI ne’e prezide husi juíza singular, Edite Palmira, Ministériu Públiku reprezenta husi prokuradór, Jacinto Babo, arguidu na’in rua hetan asisténsia legál husi defensór públiku na’in rua. san