UNDIL sei buka buka solusaun ba problema Mascarinhas

Relasiona ho konfrontasaun ne’ebé akontese iha Kinta, loron 30, fulan Jullu hodi  rezulta komunidade ne’ebé hela besik iha Universidade Díli (UNDIL) nia uma no kareta hetan estragus inklui joven ida hetan kanek tanba hetan tuda husi estudante  sira iha Suku Mascarinhas, parte UNDIL sei buka solusaun.

Vise Reitor  Primeiru  Universidade Díli, Francisco Martins da Silva, hateten, Superior  sira iha universidade Díli sei tur hamutuk ho Autoridade lokal no komunidade sira iha Mascarinhas hodi buka solusaun ba konfrontu ne’ebé akontese foin lalais ne’e.

“Dadun ne’e ami parte universidade harii ona ekipa atu buka tuir no iha seman ida ne’e nia laran ami sei Kunvidan parte seguransa sira nune tur hamutuk ho autoridade lokal no komunidade sira iha Mascarinhas hodi buka solusaun ba konfrontu ne’ebé akontese foin lalais ne’e,”hateten Francisco Martins da Silva ba GMN iha UNDIL Díli, Tersa (04/08).

Francisco Martins da Silva, informa, akontesimentu ne’e la’os deit rezulta komunidade ninia uma maka hetan estragu maibe universidade nia kareta tolu inklui vidru sala laboratúriu mos hetan estragus.

 “Atu hakotu problema refere parte Universidade Díli ho komunidade Mascarinhas  mos sai vitima hotu tanba ne’e agora dadun buka hela suspeitu sira ne’ebé involve iha kazu ne’e neduni ita seidauk hatene parte rua ne’e nia sala tanba seidauk halo investigasaun wanhira halo hotu investigasaun foin ita bele dehan parte rua ne’e se mak los ou sala maibe ami prontu ona atu tur hamutuk ho autoridade lokal no komunidade iha area ne’e atu nune bele buka solusaun,”informa.aba