UPF kaptura ema 11 tama sai ilegalmente iha fronteira

Komandante Unidade Patrullamentu Fronteira (UPF), Superintendente João Sancho, hateten,  ninia membru sira halo kapturasaun ba  ema na’in 11, tanba tama sai ilegalmente iha liña fronteira tereste Mota-Ain, Mota Masin no Oesilo.

Ema na’in 11 ne’ebé mak UPF kaptura, parte Polísia koordena ho Ministériu Saúde (MS), hodi hatama ema sira ne’e iha kuarentena.

“Hahú dia 6 to’o agora ita kaptura ema hamutuk 10, depois ita entrega ba iha MS hodi hatama ema sira ba kuarentena, sé iha Mota-Ain ita enkamiña mai Díli, iha Oe-Cusse ita entrega ba saúde Oe-Cusse ni’an, sira ne’ebé mak iha Suai ni’an mós ita la’o nafatin hela, sé sidadaun Indonézia, ita kaptura bele lori mai Mota-Ain, depois ita deporta sira fila”, Komandante UPF, Superintendente João Sancho ba jornalista sira, Sesta (14/08/2020), hafoin partisipa aniversáriu Unidade Espesiál Polísia (UEP), iha Bairo Pite, Díli.

entretantu Timor-Leste, dau-dauk ne’e rejista ona kazu pozitivu COVID-19 sidadaun estranjeiru ida, ne’ebé mak iha ona sala izolamentu Vera Cruz, Díli.

Prezidente Repúblika Francisco Guterres “Lú Olo” dekreta Estadu Emerjénsia (EE) ba faze da-haat ni’an, iha loron 4, fulan Agostu no sei remata iha loron 6, fulan Setembru, tinan ne’e, hodi taka fronteira terestre no aeroportu no portu, hodi prevene COVID-19 labele tama mai Timor-Leste. Avi