JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia falsifika dokumentu veteranu, TDD halo alterasaun jurídika ba arguidu sira

Deskonfia falsifika dokumentu veteranu, TDD halo alterasaun jurídika ba arguidu sira

Tribunál Distritál Díli (TDD) liu husi Juíz Koletivu halo alterasaun kualifikasaun jurídiku husi krime falsifikasaun dokumentu ba krime burla agravada, ba arguidu na’in haat ho inisiál OP, MAP, ACM no DJC, tanba deskonfia envolve iha kazu falsifikasaun dokumentu veteranu libertasaun nasionál ni’an.

Defeza ne’ebé fó asisténsia legál ba arguidu sira hateten, razaun tribunál halo alterasaun ba artigu balun ne’e, tanba haree faktu sira kona-bá krime falsifikasaun dokumentu agravada la priense rekezitu.

“Tribunál rasik haree kona-bá falsifikasaun dokumentu ne’e, faktu sira ne’e la priense kritéria, tanba ne’e tribunál nia haree krime ida ne’ebé mak akuza ba arguidu na’in haat ne’ebé ohin ha’u temi ne’e só krime burla agravadu”, Defensór Públiku (DP), Estaqui Guterres, iha TDD, Tersa (22/09).

Kona-bá despaixu ne’e, parte Ministériu Públiku (MP) mantein ho alegasaun antes ni’an, tanba ne’e wainhira la konkorda ho desizaun primeira instánsia mak sei rekore rekursu ba Tribunál Rekursu (TR).

“Parte MP mantein ho alegasaun antes ne’e, wainhira la konkorda ho desizaun primeira instánsia mak MP sei halo rekursu”, tenik Prokuradora Lídia Soares iha sala julgamentu.

Antes ne’e iha alegasaun finál, MP akuza arguidu sira ho krime Falsifikasaun Agravada previstu iha artigu 304, Dokumentu Públiku nia Falsifikasaun iha artigu 305, Korupsaun Ativa artigu 294, Korupsaun Pasiva ba Aktu Ilísitu artigu 292, Furtu Agravadu artigu 252, Burla Agravada artigu 267, Brankeamentu Kapitál artigu 313 no Administrasaun Danoza artigu 274, hotu-hotu husi Kódigu Penál.

Kazu ne’e envolve arguidu na’in sia ho inisiál JS, OP, MA, MAP, ACM, CJM, CNL, DJC no DM, tanba deskonfia falsifika dokumentu hodi benefísia osan veteranu ho montante USD 93,547.

Arguidu sira bosok lezadu sira katak, sira koñese funsionáriu balun servisu iha Komisaun Omenajen ne’ebé trata la-lais dokumentu pensaun ba martir no sobrevivénsia sira, nune’e lezadu sira hanesan FMC, AS, MMC, JM, MC, TBH no AC, hodi entrega osan totál USD 16,185, inklui kartaun eleitorál, sertidaun batizmu no mós dokumentu importante sira seluk, ba arguidu sira ne’ebé ikus mai lezadu sira la hetan osan.

Konsekuénsia husi arguidu sira nia hahalok ne’e, rezulta lezadu sira hetan prejuízu pensaun ba sobrevivénsia ho montante (13,800+13,800+25,590+24,862+16,185=Totál USD 93,547). san

Lee hotu :   Pedro Belo:PNTL labele tauk ameasa

Add to Comments Here!!!!

error: Content is protected.
Secured By miniOrange
You might also like:
Governu presiza fó insentivu agrikultór sira

Diretór Ezekutivu Forum Organizasaun Naun Governamentál...

SEFOPE husu joven mantein disiplina

Diretór Jerál Sekretariu Estadu Formasaun Profisionál...

PD ezije Governu proteje Timor-oan iha Israel

Deputadu bankada PD, Mariano Assanami Sabino,...

Close