JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

F-FDTL ho kilat vijilánsia iha rezidénsia Ângela

F-FDTL ho kilat vijilánsia iha rezidénsia Ângela

Polísia Nasional Timor-Leste Munisípiu Díli, autoriza ona Grupu Rezisténsia  Nasionál  Defende Justisa no Konstituisaun  (RNDJK) lideradu Ângela Freitas atu halo manifestasaun hasoru Estadu, maibe F-FDTL ho kilat halo fali vijilánsia maka’as iha rezidénsia Ângela Freitas nian no mos fatin konsentrasaun massa iha Tasi Tolu.

Membru FALINTIL–Forsa Defeza Timor-Leste (F-FDTL) destakadu grupu ida ne’ebé ho kilat kompletu hala’o vijilánsia maka’as iha rezidénsia Ângela Freitas nian, maske iha Segunda (31/0820) Porta-Voz, Grupu Rezisténsia  Nasionál  Defende Justisa no Konstituisaun  (RNDJ-RDTL)  Angela Freitas,  ho nia ekipa ba enkontru  ona  ho Polísia Nasionál Timor-Leste iha Kuartel Jerál PNTL Kaikoli Díli, hodi husu autorizasaun ba PNTL atu realiza manifestasaun kontra Estadu  iha loron 4, fulan Setembru, tinan ne’e, iha Tasi Tolu, suku Comoro, postu administrátivu Dom Aleixo, munisípiu Díli.

Maibé iha Tersa (1/9/2020), mais ou menus tuku rua ho balun loraik oras Timor-Leste, membru FALINTIL Forsa Defeza Timor-Leste(F-FDTL) ho kilat kompletu  no taka metin oin ho máskara ba hala’o vijilánsia iha rezidénsia Ângela Freitas iha Bairu-Formosa.

Forsa sira hamriik iha estrada sorin-sorin karuk no loos no laiha ema ruma mak hakbesik ba sira hodi dada lia.

Tuir observasaun, maske forsa sira hala’o vijilánsia, maibé la kaptura Ângela Freitas.

Nune’e mós tuir informasaun GMN hetan  iha terenu husi membru Grupu Rezisténsia Nasionál  Defende Justisa no Konstituisaun (RNDJ-RDTL) katak, antes forsa sira mai iha fatin refere, Porta-Voz Ângela Freitas laiha ona fatin.

Manifestante tenke hato’o direitu loloos

Alende ne’e Komandante PNTL munisípiu Díli, Superintendente Xefe Henrique da Costa, hatete, ema hotu iha direitu hodi halo manifestasaun, maibé manifestante tenke hato’o sira-nia direitu ho loloos no labele kria fila-fali aktu krime, PNTL sei la tolera.

Lee hotu :   Filomeno Paixão: Sei kombate grupu organizadu kria instablidade

“Direitu ba halo manifestasaun, maibé husu atu uza direitu ho loloos labele kria fila-fali situasaun in seguru ba ema seluk. PNTL la tolera parte ne’ebé kria fila-fali instabilidade partikularmente iha Díli”, dehan  Henrique da Costa.

Asaun pasífiku ne’ebé mak Grupu Rezisténsia  Nasionál  Defende Justisa no Konstituisaun  (RNDJK), sei hala’o ne’e hodi kontra desizaun Prezidente Repúblika (PR) kona-bá formasaun Oitavu Governu ne’ebé mak dau-daun ne’e lidera husi Primeiru Ministru (PM), Taur Matan Ruak, la tuir lei no konstituisaun RDTL.

Governu liu husi Vise Ministru Interiór, António Armindo, husu Polísia Nasional Timor-Leste (PNTL) munisípiu Díli, atu fó seguransa ba Grupu Rezisténsia Nasionál Defende Justisa no Konstituisaun (RNDJK) ne’ebé mak sei hala’o manifestasaun hasoru Estadu iha tempu badak.

António Armindo, hateten, manifestasaun iha Timor la’ós foin mak akontese, maibé kada tinan sempre iha manifestasaun, maibé PNTL iha esperiénsia hodi atende manifestasaun ne’ebé mak hala’o.

Tanba ne’e ho asaun ne’ebé Grupu Rezisténsia Nasionál Defende Justisa no Konstituisaun (RNDJK), atu hala’o iha  loron 4, fulan Setembru ne’e, iha Tasi Tolu, governante ne’e husu membru PNTL atu garante seguransa ho máximu.

“Ita mensióna uitoan, oinsa sira bele halo preparasaun, ita fiar manifestasaun ida hanesan ne’e la’ós primeira vez. Ne’ebé instituisaun PNTL iha ona esperénsia oinsa atu bele tau seguransa diak ba aktividade sira. Ha’u fiar katak sira sei hala’o seguransa ho diak liu tan”, esplika  Vise Ministru Interiór António Armindo ba  jornalista sira, Tersa (01/09/20), hafoin hala’o vizita ba iha PNTL munisípiu Díli.

Ângela Freitas: Ema intimida joven iha fatin konsentrasaun Tasi Tolu

Nune’e mós Porta-Voz, Grupu Rezisténsia  Nasionál  Defende Justisa no Konstituisaun  (RNDJK) lideradu Ângela Freitas, hateten, joven sira ne’ebé atu espresa sira-nia insatisfasaun ba desizaun Prezidente Repúblika (PR), Francisco Guterres Lú Olo, hodi fó ukun ba malu la tuir lei no konstituisaun ne’e iha Tasi Tolu, Díli, sente la komfortabel, tanba ema balu ba halo vijilánsia iha ne’eba hodi halo intimidasaun.

Lee hotu :   Lere: F-FDTL presiza Ró kontrola tasi Timor

“Ohin ita hotu haree katak, ema balun ne’ebé que halo intimidasaun, ita haree mós fatin konsentrasaun ne’ebé ita-nia joven sira la sente komfortabel harii tenda ne’ebé que atu hein ita-nia maluk sira husi Distritu atu konsentra iha Tasi Tolu”, dehan Ângela Freitas liu husi konferensia imprensa iha nia rezidénsia Bairro dos Grilhos, Díli.

Ângela Freitas mós husu ba povu tomak atu hamriik hamutuk hodi kontra líder polítiku ne’ebé ukun la obedese ba lei no konstituisaun.

Sidadaun iha direitu halo manifestasaun

Entretantu tuir Diretór Fundasaun Mahein (FM), João Almeida, katak, manifestasaun husi kada sidadaun hodi protesta desizaun sira husi ulun Estadu nian ne’ebé la tuir lei no konstituisaun, ne’e direitu ida ne’ebé konsagra ona iha konstituisaun RDTL, maibé tenke tuir koridór ne’ebé iha.

“Manifestasaun ne’e direitu ida. Estadu tenke proteje sira-nia direitu sidadaun, inklui manifestasaun, iha kazu ida ne’e ho konsentrasaun ema barak Estadu tenke toma medida nesesáriu atu bele proteje sidadaun hotu, inklui konsentrasaun manifestante sira hotu. Kuandu  iha manifestasaun hanesan konsentrasaun ida ho ema barak Estadu tenke toma medida nesesariu atu proteje sidadaun hotu-hotu, inklui konsentrasaun husi manifestante sira iha kazu Ângela Freitas nian. Tuir lei seguransa nasionál atuasaun sira husi autoridade seguransa ne’e atuasaun ida integrada kuandu iha duni nesesidade involvimentu F-FDTL nian iha seguransa interna. Tanba ne’e ho konsentrasaun massa iha Tasi Tolu no Ângela Freitas iha Bairro dos Grilhos, depende ba nesesidade, kuandu iha nesesidade ha’u hanoin katak, laiha problema”, dehan Diretór Fundasaun Mahein ne’e ba Jornal Nacional Diário via telefone, Tersa (01/09/2020).

Tuir nia, kuandu konsentrasaun ema barak nian hodi ezije atu PR, Francisco Guterres Lú Olo rezigna-an, tanba kontra ona konstituisaun RDTL ho lei, ne’e la’ós kestaun kiik, tanba ne’e prezensa F-FDTL hanesan atu fó seguransa diak liu tan ba nasaun.

Lee hotu :   Komete krimi arma branka no omisídiu, TDD aplika prizaun preventiva ba arguidu JSF

“Prezensa F-FDTL nian iha terenu fó kondisaun iha seguransa interna nian”, dehan tan João Almeida. avi

Add to Comments Here!!!!

error: Content is protected.
Secured By miniOrange
You might also like:
Sérgio Hornai: Lei MPCC mosu atu reforsa kódigu penal

Komisáriu Komisaun Anti Korupsaun (KAK), Sérgio...

KAK kontinua halibur informasaun sidadaun sira kontra regulamentu subsídiu USD 100

Komisaun Anti Korupsaun (KAK) kontinua halibur...

Xanana: 30 Agostu 1999, joven sira aprende no sai ema di’ak ona ne’e mak vota integrasaun

Eis Komandante em Xefe FALINTIL, Kay...

Close