Filomeno: Seidauk simu relatóriu membru F-FDTL serku rezidénsia Ângela Freitas

Ministru Defeza (MD), Filomeno Paixão, hateten to’o oras ne’e seida’uk, simu relatóriu husi Komandu FALINTIL-Forsa Defeza Timor-Leste (F-FDTL) kona-bá membru F-FDTL serku rezidénsia Ânjela Freitas iha Bairu Formoza-Díli.

 “Kona-bá serku ne’e relatóriu eskritu seidauk mai, tantu ha’u hein hela relatóriu husi komandu F-FDTL, ha’u seidauk simu tanba ohin loron tomak hau partisipa iha Konsellu Ministru (KM), loron tomak,” dehan, Ministru Defeza, Filomeno Paixão, ba GMN iha Palásiu Governu, Kuarta (02/09/2020).

Governante ne’e esplika, Xefi Estadu Maior F-FDTL, Major Jeneral Lere Anan Timur, iha nia razaun hodi haruka membru F-FDTL ba, ne’e duni husu rasik ba Jenerál, tanba-sá haruka ba.

Enkuantu, iha loron, Tersa (01/09/2020), tuku rua ho balun oras Timor-Leste, membru F-FDTL ho arma kompletu, destake iha Ângela Freitas nia rezidénsia, iha Bairu Formosa, hodi halo vijilánsia. Cin