KomJer PNTL: Autór tenta xoke aviaun ho motorizada ne’e grupu organizadu

Polísia Nasionál Timor-Leste (PNTL) identifika  ona katak, ema sira ne’ebé mak tenta soke aviaun ho motorizada iha Aeroportu Internasionál Nicolau Lobato, Comoro, Díli, foin lalais ne’e mai husi grupu organizadu.

Komandante Jerál PNTL, Komisáriu Faustino da Costa, hateten, ema ida lori motorizada atu xoke aviaun ne’e la’os mesak, maibe husi grupu organizadu, arte rituál ida iha munisípiu Ermera. Iha ne’ebé seguransa sira hala’o ona  kapturasaun ba ema hamutuk 41.

“Grupu ida ne’ebé  hakarak atu hateten trend tebes ita bo’ot sira akompaña karik uluk ita dehan Ermera ne’e waooooo, tanba lori motor ba xoke aviaun, kontinua ho ida seluk mak hakarak sa’e malae nia aviaun, ida ne’e mai ho grupu ida, hanoin prosesu hala’o ona identifikasaun ba nia responsavel sira, ema sira organiza ne’e, tanba ita nota katak, ema sira submete ba iha grupu ida ne’e sai la normal hotu, entaun ita detein 41 pesoas submete hela ba prosesu. Ne’ebé ita haree tuir lei númeru 5/2017 ne’e karik  arte prátika, arte rituál ida ne’ebé bele dehan katak, ne’e ilegál no prosesu la’o hela ita halo kapturasaun ba sira nia grupu organizadu ida ne’e. Entaun prosesu ne’e la’o hela. Ho númeru ida que bo’ot 41 pesoas, primeiru interogatóriu hala’o ona fiar sei iha desizaun balun ne’ebé merese ba iha parte ninia lideransa ka responsavel grupu sira”, Komandante Jerál  PNTL ne’e ba jornalista sira, Kinta (19/09/20), hafoin hala’o enkontru semanal ho  Prezidente Repúblika (PR), Francisco Guterres Lú Olo, iha Bairo Píte, Díli.

Kazu sidadaun ida lori motor atu xoke aviaun  ne’e akontese iha loron 17, fulan Outubru, tinan 2019, iha Aeroportu Internasionál Nicolau Lobato, Díli. avi