JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Ângela lori Xanana nia fotográfia halo polítika

Lere: Ângela lori Xanana nia fotográfia halo polítika

Xefe Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur, konsidera Grupu Rezisténsia Nasionál Defende Justisa no Konstituisaun (RNDJK) RDTL ne’ebé lidera husi Ângela Freitas lori Xanana nia naran hodi halo polítika.

“Ângela nia intensaun ne’e atu hatun Prezidente Repúblika (PR) ne’ebé nu’udár veteranus tinan 24 no Ângela lori katuas Xanana nia fotográfia iha sira-nia kartaun no hakerek iha didin lolon hirak ne’e Xanana Gusmão Komandante Em Xefe mas kuandu maun Xanana la hatudu-an ne’e ha’u tenke koalia, mais maun Xanana mak hatudu-an karik ne’e ha’u nono’ok, a finál maun Xanana la hatene uza nia fotográfia ne’e, maun Xanana la hatene ha’u agora tenke husu investiga Ângela, tanba saída mak uza líder karismátiku nia naran atu halo polítika”, Lere Anan Timur liu husi konferénsia ba imprensa iha Kuartel Jerál Fatuhada-Díli, Sesta (04-09-2020).

Xefe Estadu Maior F-FDTL ne’e hatete, lakohi atu repete tan krize 2006 no 2015 ne’ebé antes ne’e Ângela halo ona, nune’e husu ba parte kompetente sira atu halo investigasaun ba grupu refere nia objetivu uza líder nasionál Timor-Leste nia fotográfia sai simbólu grupu ni’an.

Lere promete sei halo investigasaun ba membru F-FDTL ne’ebé iha intensaun hodi envolve iha demonstrasaun refere, nune’e bele foti medida ruma.

“Agora Ângela dehan ha’u nia militár tama no ha’u nia investigasaun komesa la’o, sé mak envolve duni iha laran, para haree momoos ami sei ba koalia ho Ângela, agora Ângela labele halai ona, tanba aviaun mós la mai, enkuantu ida ne’e la rezolve Ângela labele sai, orsida ou aban ha’u nia inspesaun jerál, ha’u nia justisa ba ona dehan por favor fo naran militár sira ne’ebé envolve ba demonstrasaun ne’e, nia la’o fó medida saída mak atu toma medida saida de’it, ha’u sei toma mak laiha ema ida mak tenke toma medida ba Ângela, tanba hakarak hafoer ema nia naran”, tenik Lere.

Lee hotu :   Kazu Gastão Sousa ho Pe. Martinho, Eis Ministru Gastão nia oan ba husu bebeik kombustivel iha MOPTC

Major Jeneral Lere Anan Timur husu ba populasaun tomak atu bele tau nafatin konfiansa ba F-FDTL nia servisu tomak, tanba la’ós partidu ruma ni’an, maibé servisu neutru.

Alende ne’e husu mos ba Organizasaun no Sosiedade Sivíl atu bele fó komentáriu no krítika ne’ebé analítiku, nune’e labele hamosu polémika no konfuzaun iha populasuan nia leet, tanba dezisaun no asaun hotu ne’ebé F-FDTL halo tuir nesesidade nasaun ni’an.

Xefe Estadu Maior F-FDTL, Major Jeneral Lere Anan Timur lamenta mós ho komentáriu husi públiku ne’ebé hateten, nia (Lere-red) ditadór, tanba halo intervensaun ho membru F-FDTL.

“Ema akuza ha’u ditadór, ha’u la’ós ditadór, ha’u ne’e estabilizadór ditadór karik 2006 ne’e ditadura sa’e ona Ângela mate ona, ha’u hakarak estabiliza ita-nia nasaun, sira ne’e mak falun-an ho demokrasia, mais laran ne’e makerek hela ba ita-nia rai, matebian sira hakoi iha Metinaro ne’ebá sei haree tuir ita, sé mak laran mós no laran foer ba nasaun ida ne’e”, subliña Lere. Ida

Add to Comments Here!!!!

error: Content is protected.
Secured By miniOrange
You might also like:
Timor-Oan pozitivu COVID-19 iha Vera Cruz rekoperadu ona

Koordenadora Jerál Komisaun Corona Virus Disease...

PN la autoriza média asesu prosesu foti meza prezidensia PN tuan

Uma fukun Parlamentu Nasional (PN) la...

Preokupa situasaun rai-laran, Falur: Líder nasionál sira seidauk husik kargu

Vise Xefe Estadu Maiór FALINTIL-Forsa Defeza...

Close