JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Governu tenke fó sansaun ba ema tama-sai dalan ilegál

Lere: Governu tenke fó sansaun ba ema tama-sai dalan ilegál

Xefe Estadu Maior FALINTIL-Forsa Defeza Timor Leste ( F-FDTL), Major Jeneral Lere Anan Timur, hateten, Governu tenke fó sansaun ba ema sira ne’ebé loron-kalan kontinua tama-sai dalan ilegál iha fronteira.

“Situasaun Fronteira, ilegál ne’e kuaze loron-loron, tanba ita-nia fronteira ne’eba ne’e luan, ita-nia oan sira ne’ebé hasa’e sira-nia fita Arte Marsiais viola bei-beik regra, maibe ita-nia Forsa no UPF iha ne’eba kaer balun, balun halai fila. Ne’e mak ha’u hatete ba Prezidente Repúblika (PR) sira ne’ebé kaer mai ona kuarentena, labele kuarentena husik deit, tenke fó sansaun tanba viola regra liña fronteira ninian”, dehan Xefe Estadu Maior Jeneral F-FDTL, Major Jeneral Lere Anan Timur Kuarta (09/09/2020), iha Palásiu Prezidensial Nicolau Lobato, Bairro-Pité, Díli.

Nia akresenta, foin dadauk ema kuaze 60 i tal,  tenta tama liu husi dalan ilegál, maibe UPF no forsa sira kaer deit 10 resin, enkuantu sira restu halai fila, nain hirak ne’ebé mai agora iha hela kuarentena, depois kuarentena ne’e oinsa, husik ba  uma ka Governu tenke toma sansaun ruma.

“Agora lei mak manda, buat hotu kiik bo’ot ne’e violasaun direitu umanu, por ezemplu ita nia maluk sira iha prizaun Becora ne’eba mos dader matabixu susu-been laiha sira reklama, enkuantu sira ne’ebé la komete krime iha liur la matabixu, meiudia mak han dala ida, tanba medida administrativa ne’e barak bele ba Bekora no halo saida ne’e hanoin katak ne’e depende, ha’u husu para la bele viola bei-beik regra iha lína fronteira ne’e”, realsa Líder Másimu F-FDTL  ne’e.

Lere fundamenta, pior liu mak kuandu moris iha situasaun COVID-19, por ezemplu ema ne’ebé afetadu iha Indonézia ne’eba mai la kontrola ba halai los ba Baucau, ka Viqueque, Lospalos ne’eba, afeta sira nain 10, 20 hanoin katak ida ne’e problema bo’ot ona, Díli mos hanesan ne’e nain 5 nain 6 mate dala ida Díli ne’e mamuk ona.

Lee hotu :   Nomeasaun Xefi Estado Maior F-FDTL la´os segredu

“Ne’e mak ha’u hanoin ita nia ukun nain sira, liu liu Polisia Nasional, Tribunal tenki toma medida”, tenik Lere Anan Timur. Oly

Add to Comments Here!!!!

error: Content is protected.
Secured By miniOrange
You might also like:
PNTL kaptura estudante AUTL na’in 15

Polísia Nasionál Timor-Leste (PNTL) kaptura  estudante...

Lere prontu hasoru Ângela Freitas iha Tribunal

Xefe Estadu Maior FALINTIL-Forsa Defeza Timor-Leste...

TL sei asina akordu ho EUA reabilita aeroportu Baucau

Primeiru Ministru (PM), Taur Matan Ruak,...

Close