Lere prontu hasoru Ângela Freitas iha Tribunal

Xefe Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur, deklara, bainhira porta-voz Grupu Rezisténsia Nasional Defende Justisa no Konstituisaun (RNDJK), Ângela Freitas, hato’o keixa kona-ba nia lalaok sira ne’ebé kontra konstituisaun, nia parte prontu atu hatán iha Tribunal.

“Ho Ângela ne’e problema hotu ona, tanba ha’u nia komandante supremu forsa armadas, ka bahasa Indonézia dehan “Panglima Tertinggi” ne’e hakmatek ona,  ha’u mos hakmatek ona, Ângela husik koalia tesik rai nian ba, depois a pesar feto ida tan, ne’e mak ha’u lakohi responde”, dehan Lere Anan Timur, ba Jornalista sira hafoin informa situasaun rai-laran ba Prezidente Repúblika (PR), Francisco Guterres Lú Olo, Kuarta (09/09/2020), iha Palásiu Prezidensial Nicolau Lobato, Bairro-Pité, Díli.

Nia akresenta, koalia  kona-ba Ângela, nia lakohi ona, tanba Ângela nia naran ne’e dezde husi 2006 to’o agora, ne’e tanba buat ruma, agora buat ida laiha ona ne’e, atu koalia tan saida?

“Nia dehan atu lori ba Tribunal lori ba, signifika Ângela sei selu advogadu, maibe ha’u la selu advogadu ida, no ha’u ba mesak. Mas nia kuandu bo’ok fali ha’u-nia órgaun soberanu ida ka, ha’u nia katuas veteranu ida mai husi ai-laran, ha’u atua nafatin, para que ita ulun moras lakon tempu fali ho Ângela ne’e”, afirma Lere. Oly

Leave a Reply

Your email address will not be published. Required fields are marked *