JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ministru Justisa aprezenta opsaun polítika no lejislativa haat iha KM

Ministru Justisa aprezenta opsaun polítika no lejislativa haat iha  KM

Ministru Justisa, Manuel Cárceres da Costa, kuarta (02-09) aprezenta ba Konsellu Ministru (KM) opsaun polítika-lejislativa relasiona ho Projetu Proposta Lei  Organizasaun no Funsionamentu Tribunál sira, Lei Rejime Jurídiku ba Asosiasaun Públika Profisionál, Rejime Jurídiku Asosiasaun Públika Profisionál ho Funsionamentu Tribunál, inklui Estatutu foun Ministériu Públiku (MP) nian.

Tuir Komunikadu ba imprensa ne’ebé Jornal Diáriu asesu proposta Lei Organizasaun no Funsionamentu Tribunál sira sei kria kondisaun legál ba plena ezekusaun Konstituisaun nian ba organizasaun no funsionamentu tribunál superior sira no ba juridísaun administrativa no fiskál.

Além de ne’e, atu konsolida lejislasaun dispersa ba diploma legál oi-oin no permite vizaun konjuntu husi organizasaun judisiária nasaun nian.

 “Kona-ba proposta lei organizasaun funsionamentu tribunál sira nian no mós kona-ba proposta lei rejime jurídiku asosiasaun. Ne’ebé ohin Konsellu Ministru rona aprezentasaun opsaun polítika lejislativa hirak ne’e no depois mak sei hato’o submisaun no bainhira submisaun sira ne’e tama iha Konsellu Ministru no depois sirkula ba iha membru Governu sira para sira nia legál sira fó pareser, mas ohin ne’e foin fase importante ne’ebé mak ita hanaran opsaun lejislativa iha ne’ebé Ministru sira halo diskusaun kona-ba impaktu Polítika no Lejislativa se wainhira ita halo alterasaun ba proposta lei no proposta dekretu lei ruma”, hatete Ministru Prezidénsia Konsellu Ministru (MPKM), Fidélis Leite Magalhães.

Estatutu foun MP pretende atu hametin autonómia no independénsia majistratura nian, deskreve ho forma kompleta aspetu oi-oin husi respetiva kareira hodi halo adaptasaun ba servisu MP oras ne’e.

Além de ne’e proposta lei ne’e sei permite ninia espesializasaun iha tipu loloos kriminalidade nia ka domíniu asaun loloos no ninia dezentralizasaun no haluan asesu ba topu kareira nian tuir funsaun kritériu sira méritu profisionál nian.

Lee hotu :   Fó posse ba adjuntu PJR, PR Lú Olo husu MP atu lori justisa ba ema hotu

Proposta kriasaun Ordem Advogadu ho objetivu atu dinamiza regulasaun profisaun advogadu no ezersísiu asaun disiplina atu orienta formativu kursu estájiu profisionál sira hotu ba espesífika nesesidade ne’ebé klase identifika.

Proposta ne’e sei hatuur Timor-Leste instituisaun konjénere ida ba ninia omóloga ne’ebé eziste iha país barak CPLP nian no hametin konfiansa no kualidade téknika no étika Advogadu Timor-Leste nian hodi respeitu ba Konstituisaun no Soberania nasionál.

Entretantu Rejime Jurídiku Asosiasaun Públika Profisionál ho Funsionamentu Tribunál ho hanoin atu asegura katak solusaun ne’ebé aprova husi kada profisaun regulada entre sira, obedese ba determinadu prinsípiu estrutural sira, asegura katak sei la multiplika iha diploma oioin solusaun legál hanesan, enkuandra kriasaun ba Ordem Advogadu sira, maibé mos futuru kriasaun ba ordem ka kámara profisional sira seluk no ikus liu atu hametin konfiansa iha kualidade téknika no étika husi profisionál liberál sira Timor-Leste nian, hodi respeita ba Konstituisaun no ba Soberania nasionál. oct

Add to Comments Here!!!!

error: Content is protected.
Secured By miniOrange
You might also like:
PN aprova renovasaun EE dalima

Deputadu sira kinta lejislatura, liuhosi plenária...

DEMOKRASIA Husi: Dom Carlos Filipe Ximenes Belo

FOTO: GOOGLE Repúblika Timor-Leste bolu “demokrátika”....

Diretór BNU: Governu mak ko’a veteranu nia osan USD 30 kada fulan, la’ós BNU

Diretór Banco Nacional Ultramarino (BNU), Paulo...

Close