Prosesu auditoria ba ró Haksolok presiza tempu naruk

Prezidente Tribunál Rekursu (TR), Deolindo dos Santos, informa, prosesu auditoria ba iregularidade ne’ebé mosu iha konstrusaun ró Haksolok ne’e públiku presiza hatene nia prosesu, no dau-daun ne’e Tribunal das Contas no fiscal hala’o hela auditória, ho nune’e kazu ne’e nia prosesu sei han tempu naruk.

“TR ne’e nia akumula buat hotu, ida mak prosesu auditoria iha kámara kontas ni’an, hanesan ita boot sira hatene katak, rezultadu auditoriu ne’e barak loos, ne’ebé que ami públika no mós ami notifika ba Governu no Parlamentu ho entidade auditora sira para atu bele kumpre buat sira ne’ebé TR ezerse hela tribunál kámara kontas nia kompeténsia ni’an, para haree buat sira ne’e. Nia tempu ne’e ba auditoria ne’e planu asaun auditoria ne’e mak estabelese, normalmente prazu ne’e naruk, naruk tanba prosesu ne’e hahú husi rekolla elementu, to’o relatóriu final ne’e naruk tebes, bele to’o fulan 6, 7 ou bele to’o tinan tan”, Prezidente TR ne’e iha Palásiu Prezidensiál, Nicolau Lobato, Bairo Píte-Díli, Segunda (28-09-2020), relasiona ho iregularidade ne’ebé deskonfia mosu iha projetu pilotu RAEOA kona-bá konstrusaun ró Haksolok iha Portugál, ne’ebé to’o oras ne’e seidauk finaliza.

Deolindo akrensenta mós katak, tribunál seidauk pronúnsia pozisaun ruma, relasiona ho preokupasaun públiku nia, tanba prosesu hotu tenke tuir lei kámara kontas ni’an. san