JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Provedora Jesuína husu PM Taur hametin kooperasaun ho PDHJ

Provedora Jesuína husu PM Taur hametin kooperasaun ho PDHJ

Provedora Díreitu Umanu no Justisa (PDHJ-sigla Portugés), Jesuína Maria Fereira Gomes, husu ba Primeiru Ministru (PM), Taur Matan Ruak, atu kontinua hametin kooperasaun ho PDHJ, nune’e PDHJ bele ezerse nia knaar diak liu tan iha futuru.

“Ami mai marka audiénsia ho Primeiru Ministru, atu partilla servisu ne’ebé PDHJ halo hela, liga ho mandatu PDHJ nian, atu halo fiskalizasaun ne’ebé fó dalan ba PDHJ atu halo supervizaun ba autoridade públika sira nian funsionamentu partikularmente Governu ho nia órgaun sira, ne’ebé ha’u partilla informasaun balun ho Primeiru Ministru, kona-ba servisu monitorizasaun ne’ebé PDHJ halo hela iha entidade públika sira, hanesan Ministériu no Sekretaria Estadu sira”, dehan Provedora ne’e, Tersa (08/09/2020), iha Palásiu Governu.

Nia haktuir, aproveita oportunidade ne’e partilla mos informasaun kona-ba keixa nomos investigasaun ne’ebé  hala’o hela, hanesan koñesimentu ba iha Xefe Governu atu hatene katak PDHJ mos hala’o hela servisu, husu mos apoiu no kooperasaun husi parte Governu, nune’e PDHJ bele ezerse nia mandatu ho diak.

“PDHJ agora halo hela fiskalizasaun ba iha kontratu termu sertu iha administrasaun públika,ne’ebé ami husu hela informasaun dokumentu husi Ministériu sira atu halo análiza kona-ba kontratu termu sertu iha Administrasaun Públika, iha Ministériu no Sekretaria Estadu sira, ne’e ida deit mas sei iha tan monitorizasaun balun liga ho direitu ekonómiku, sosiál no kultura nian, hanesan infraestrutura saúde, edukasaun no asuntu sira seluk”, akresenta Jesuína.

Provedora ne’e realsa, iha hela prosesu kuandu monitorizasaun ne’e konklui ona, sira sei halo relatóriu sei partilla ho Primeriu Ministru.

“Iha oportunidade audensia ho Primeiru Ministru PDHJ mos fo apresiasaun ba Primeiru Ministru, tanba durante Primeiru Ministru sempre fó resposta pozitivu nomos lais ba relatóriu sira ne’ebé PDHJ hatama mai Primeiru Ministru, kuandu PDHJ halo ona monitorizasaun, investigasaun, haruka relatóriu mai, imediatamente  Primeiru Ministru halo despashu ba entidade relevante, ne’e  ami apresia tebes ho vontade diak husi Primeiru Ministru, ami husu tan kooperasaun ne’e kontinua taan ba iha futuru, nune’e bele ajuda PDHJ ezerse knaar hodi hamosu mos rezultadu ruma ne’ebé ké bele ajuda mos parte governu”, tenik Jesuína.

Lee hotu :   Vijibilidade PNTL menus implika komunidade tauk la’o kalan

Alende ne’e, Jesuína mos relata, Ate a data PDHJ rejista ona keixa hamutuk 155, indikasaun violasaun direitus humanus hamutuk 59, ho indikasaun ba violasaun Boa Governasaun hamutuk 96, nia prosesu depois de PDHJ rejista tiha sira ne’e  sei halo apresiasaun ba keixa sira ne’e liu husi relatoriu avaliasaun pre-eleminar atu indetifika serke keixa sira ne’e tama iha PDHJ nia mandatu kalae, se tama iha PDHJ nia mandantu sei kontinua ho prosesu investigasaun.

Nia afirma, selae karik haruka ba iha entidade kompetente ne’ebé ké iha liu kompetensia atu rezolve sidadaun sira nia keixa ne’e,  ba PDHJ la rezolve ema nia keixa no kazu, maibe PDHJ halo apresiasaun no avaliasaun i halo investigasaun, depois de investiasaun hato’o rekomendasaun ba entidades relevante, Ministeiru Sekretaria Estadu, no instituiasuan públika iha obrigasaun atu rezolve sidadaun sira nia problema.

“PDHJ halao akompaniamentu depois de konklui tiha invetiagasaun hato’o relatoriu 60 dias, tenki relatoriu mai fali PDHJ oinsa implementasaun rekomendasaun sira ne’e, no PDHJ mos iha unidade bolu dehan haree tuir rekomendasaun, ké sempre ba akompania implementasaun rekomendasaun sira ne’e lao oinsa?”, tenik Jesuína. Oly

Add to Comments Here!!!!

error: Content is protected.
Secured By miniOrange
You might also like:
Lixu konstrusaun haleu mota Comoro, SEA: Komunidade tenke hato’o keixa

Sekretáriu Estadu Ambiente (SEA), Demétrio do...

Avelino Coelho: Timor-Leste laiha títulu rai ba Estadu

Jurista senior Timor-oan, Avelino Coelho, hatete,...

Adere ba ASEAN, TL partisipa enkontru interfase virtual ba área sósio-kultural

Timor-Leste (TL) partisipa iha enkontru interfase...

Close