Deskonfia ta’a ema iha merkadu Taibessi, PNTL identifika suspeitu ida

Polisia Nasionál Timor-Leste (PNTL), Eskuadra Na’in Feto, iha Sesta (16/10) ne’e halo identifikasaun ba suspeitu ida ho inisiál CDS, tanba deskonfia nia mak ta’a negosiante ida estasionamentu merkadu Taibessi, munisípiu Díli, iha loron 15, fulan ne’e.

Entretantu suspeitu ne’e deskonfia komete krime tentativa omisídiu no arma branka, hasoru vítima JF ne’ebé rezulta kanek iha parte kaba’as.

Tuir informasaun ne’ebé GMN hetan, suspeitu CDS polísia kaptura la’ós flagrante delitu, maibé halo identifikasaun durante oras 12, depois hato’o autu notísia ba Ministériu Públiku (MP), hodi hein mandadu detensaun. san