Durante fulan rua, F-FDTL sei okupadu ho ezersísiu

Durante fulan Outubru no Novembru, tinan ne’e, membru FALINTIL-Forsa Defeza Timor-Leste (F-FDTL) sei okupadu ho atividade ezersísiu. Objetivu husi ezersisiu ne’e atu apoiu populasaun sira iha situasaun atuál, liu-liu ligadu ho surtu COVID-19.

Xefe Estadu Maior F-FDTL, Major Jeneral Lere Anan Timur, hatete, ezersísiu ne’ebé mak F-FDTL atu realiza sei hala’o iha postu administrativu Laga, tanba fatin refere sempre mosu konflitu, alende ne’e. 

“Atividade fulan ida ne’e fulan oin ita-nia forsa sira okupadu ho ezersísiu, ezersísiu ne’ebé que forsa espesiál sira halo iha área sentrál, ita-nia infántaria sira sei halo iha área Laga i mós ezersísiu hamutuk ho tropa Australianu bolu harii hamutuk ne’e servisu mak ida ne’e, ezersísiu kobre ne’ebé que halo iha Laga, Laga ida ne’ebé ke kleur suku ida ne’ebé que muturabudór ne’e sira loron kalan sunu malu-dór ne’e, sunu malu hela forsa ba hatudu-an iha ne’eba i forsa mós hanorin sira dehan katak, labele sunu-malu, labele oho malu, ida ne’e mak ezersísiu nia objetivu”, dehan, Xefe Estadu Maior F-FDTL ne’e iha Palásiu Prezidensiál, Nicolau Lobato, Bairro Píte, Kuarta (14/10/2020).

Lere afirma, dau-daun ne’e membru F-FDTL kontinua destaka iha fronteira, hanesan iha Maliana-Tunubibi, Batugade, Tilomar-Covalima no mós Same-Manufahi, nune’e halo kontrolu ba movimentasaun ilegál hodi prevene surtu COVID-19 tama mai rai-laran.

Nia hatutan, membru sira ne’ebé mak fasilita ema tama mai Timor-Leste liu husi dalan ilegál, konsidera komete krime. Tanba ne’e, Lere husu ba komando atu halo kontrolu ba membru sira ne’e, tanba aktu refere perigu ba vida nasaun. Ina