JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KE-KSDS apoia PR Lú Olo dekreta EE ba dahitu

KE-KSDS apoia PR Lú Olo dekreta EE ba dahitu

Konsellu Estadu (KE) no Konsellu Superior Defeza no Seguransa (KSDS), kontinua apoia Prezidente Repúblika (PR), Francisco Guterres Lú Olo, atu dekreta tan Estadu Emerjénsia (EE) ba dahitu, nune’e bele asegura povu no nasaun husi transmisaun surtu COVID-19.

“PR konvoka reuniaun KSDS ho KE, ne’ebé halo reuniaun hodi konsulta kona-bá Estadu EE, ne’ebé proposta Governu husu ba PR atu dekreta EE ba dahitu, tanba ho situasaun CoronaVírus la’o iha mundu, to’o agora ita seidauk hatene nia ai-moruk mak saída? iha ne’ebé númeru moras ne’e bele redus no aumenta iha nasaun hotu-hotu”, Chefe Casa Militar Palaçio Presidencial, Koronel Antonio Soares “Maukalo”, Segunda (26/10/2020), iha Palaçio Presidencial Nicolau Lobato, Bairo Píte, Díli.

Nia afirma, Timor-Leste nu’udár nasaun ne’ebé ki’ik, ho kondisaun fraku ho de’it ai-moruk úniku atu bele kombate COVID-19 mak prevensaun, tanba laiha médiku no ai-moruk ba kondisaun hotu-hotu. Bazeia ba proposta Governu nian, iha loron 22, fulan Outubru, PR konvoka konsellu rua ne’e para konsulta atu estende tan ka lae.

“Husi konsellu rua ne’e, hotu-hotu ko’alia ho unanimidade, deside atu halo estensaun nafatin, nune’e mak PR sei haree, tanba ne’e desizaun PR nian, para nia husu la husu, maibé nia konsulta no fó ona hanoin, orsida (horiseik-red) ka aban (ohin-red) nia sei bele deside hodi haruka ba Parlamentu, atu bele husu autorizasaun ba Parlamentu Nasionál, para nia bele dekreta EE”, realsa Maukalo.

Koronel ne’e salienta tan, medida sira ne’ebé Governu aprezenta mai mak haree kona-bá sirkulasaun internasionál, ne’ebé ema husi rai-liur tama mai, husi laran mak sai ba, atu ko’alia kona-bá oinsa mak bele kontrola, ne’ebé depois PR dekreta, Governu sei hola medida  EE ne’e oinsa para bele regula ema hotu.

Nia fundamenta, kontrolu máximu iha fronteira, oinsa ema labele tama tun-sa’e.

“Ita iha komunidade atraves informasaun tenke fó tutan ba malu para ema hotu tenke aplika, kuandu dekreta ona EE iha ona medida sira ne’ebé tenke kumpre. Dalabarak ema hatete, seidauk iha ema ida mate tanba moras CoronaVírus iha Timor, mate ne’e ba iha moras seluk nian, ne’ebé buat ruma ne’ebé keta laloos karik, povu Timor-Leste tenke komprende, ema seluk hanesan ativista iha vizaun uitoan, presiza tenke eduka fó informasaun ba maluk seluk katak CoronaVírus ne’e moras ne’ebé perigu no bele oho família uma-laran, kuandu la halo prevensaun, kuandu mate ba hakoi ita família mos la besik ida, husi ita rasik halo prevensaun mak moras ne’e la kona ita, tama ona ita iha pozitivu ne’e 29 tuir informasaun saúde nian, maibé konsege rekupera hotu, ita-nia responsabilidade, preokupasaun atu ba povu nia moris di’ak, ita konsege kombate liu husi EE ne’ebé ita halo hela dau-daun ne’e, ne’e valor boot ba ita Timor-Oan tomak, tanba ita hotu nia esforsu mak konsege kombate COVID-19”, hatutan Maukalo.

Chefe Casa Militar Palaçio Presidencial ne’e afirma mós katak, liga ho servisu interna rai-laran tenke la’o nafatin, labele haluha atu kuidadu saúde. oly

Lee hotu :   Kontinua mosu krime, PN sei bolu MDS ho KomJer PNTL justifika

Add to Comments Here!!!!

error: Content is protected.
Secured By miniOrange
You might also like:
Promove artista rai-laran, Grupu Eleven Entertainment realiza konsertu amizade

Diretór Jerál Grupu Eleven Entertainment, Nelio...

Governu diskrimina saláriu ba profesór kontratadu

Profesór kontratadu, Eurico Filipe Ximenes Belo,...

Governu deside fó kompeténsia ba DJ asina kontratu

Governu liu husi Konsellu Ministru (KM)...

Close