JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komete kazu droga, TDD kondena Casemiro prizaun tinan lima

Komete kazu droga, TDD kondena Casemiro prizaun tinan lima

Tribunál Distritál Díli (TDD) liu husi leitura akordaun hamonu sentensa tinan lima (5) ba kondenadu Casemiro Mateus Botelho ba kazu tráfiku atividade ilísitu, tanba simu sasan pakote kompresór Air Conditioner (AC) kareta nian ne’ebé tau droga iha laran, husi sidadaun Nigéria, ho naran Valentin Okpagu.

Razaun TDD kondena arguidu (Casemiro Mateus Botelho) ne’e bazeia ba ninia deklarasaun, sasin no dokumentu ne’ebé junta iha autu nia laran, ne’ebé provadu hotu katak, kondenadu simu duni sasan refere ho droga iha laran.

“Faktu provadu mós katak arguidu simu duni sasan pakote ne’ebé tau droga iha laran no mós autoridade Alfándega prende duni sasan pakote ne’e, iha loron 7, fulan Janeiru, tinan 2019, iha aeroportu internasionál Nicolau Lobato”, Juíz Evangelino Belo, iha TDD, Kuarta (07/10/2020).

Nune’e TDD nia entendimentu bazeia mós ba relatóriu husi teste husi Polísia Judisiária Portugál (PJP) pozitivu ho tipu sabusabu metavitamina, kilógrama tolu (3,253).

Provadu mós katak, iha loron 14, fulan Janeiru, tinan 2019, polísia halo kapturasaun ba kondenadu no iha prezensa arguidu nian loke mákina kompresór ne’e iha Polísia PNSIK-Caicoli no kompresór laran ne’e iha poo mutin kristál.

TDD mós konsidera kondenadu iha intensaun duni atu simu sasan pakote ne’e, mezmu nia destinasaun finál iha Indonézia.

Entretantu parte defeza konkorda ho desizaun ne’e, tanba TDD konsidera ne’e hanesan kulpa ida.

“Pontu ida ha’u kontente, mezmu ita haree nia grau krime ne’e boot, maibé nia hetan pena ne’ebé mak tuir estandarte katak tinan lima (5). Ninia moldura pena loloos ne’e 5 ate 15 anus, maibé tribunál foti ida kraik liu”, Advogadu Privadu, Fernando da Costa iha TDD.

Lee hotu :   Prevene COVID-19 tama TL, PNTL kontrola fronteira rai-maran no tasi

Fernando afirma, tuir prosedimentu legál parte defeza rasik halo rekursu prazu loron 15, maibé depende ba família husi kondenadu.

“Iha parte ida depende ba rekerente, família no mós kliente rasik mak la satisfaz husu defeza atu halo rekursu”, termina defeza ne’e.

Desizaun ikus ne’e mós TDD deside absolve kondenadu husi krime agravasaun iha artigu 9, nune’e, TDD hamonu sentensa ba kondenadu ho pena tinan lima (5) ho artigu hitu (7) kona-bá tráfiku atividade ilísita, husi lei númeru 02/2017 kona-bá kombate tráfiku no konsumu ilísitu ba droga.

Nune’e mós kona-bá objetu apreendidu ne’ebé autoridade polísia preende, hanesan telemovel ho marka OPPO F11, ho kartaun sim, osan USD 600 ne’ebé kondenadu simu hosi Nigerianu ne’e, sei a favor ba Estadu, tanba sasan sira ne’e mak fasilita kondenadu kontaktu ho sidadaun Nigerianu, maibé pasaporte mak sei devolve fali ba arguidu. san

Add to Comments Here!!!!

error: Content is protected.
Secured By miniOrange
You might also like:
Autoridade lokál Bobonaro koopera ho ministériu relevante kontrola movimentu ilegál

Administradór postu administrativu Cailaco, Munisípiu Bobonaro,...

PM Taur garante Governu sei ezekuta OJE ho di’ak

Primeiru Ministru (PM), Taur Matan Ruak,...

Deskonfia Vise MI fasilita kareta plat RI tama TL iha períodu EE

Deputadu bankada CNRT, José Virgílio, hatete,...

Close