Konfrontu iha Delta rua, rezulta kareta rua rahun

Konfrontu entré joven sira iha Delta rua, Suku Comoro, Díli, Domingu  (11/10/2020),  rezulta kareta rua rahun.

Tuir  família vítima, Jacob Gusmão,  haktuir, kazu ne’e akontese mais ou menus iha tuku lima madrugada, oras Timor-Leste, wainhira kareta rua para hela iha  estrada  ninin, wainhira vítima toba dukur hela.

Kareta rua ne’ebé rahun mak hanesan Avansa Inova ho sapa matrikula 28-780 TL no kareta Xenia ho sapa matrikula 28-059 TL.

Ho aktu krime ne’e vítima sira sente lamenta, hodi hato’o keixa ba iha Eskuadra Polísia Dom Aleixo munisípiu Díli, hodi loke prosesu investigasaun no halo identifikasaun ba suspeitu.

“Ha’u hamri’ik iha uma leten mak haree sira serang tama mai ami nia bairu laran, hodi tuda rahun kareta  rua ne’e. Tanba ne’e ami ho  abin sira núdar vítima mai hato’o keixa”, Família vítima, Jacob Gusmão, ba GMN, iha Eskuadra Dom Aleixo.

Tuir informasaun husi vítima katak, kazu tuda kareta ne’e, deskonfia husi membru Grupu Arte Marsiál (GAM) ne’ebé Governu réativa. avi