La selu deve rezulta ta’a malu iha Ermera, ema ida kanek

Kazu tentativa omisídiu akontese iha postu administrativu Atsabe, munisípiu  Ermera, rezulta ema ida kanek, tanba hetan ta’a ho katana ou samurai.

Vítima dau-dauk ne’e hala’o hela tratamentu intensivu iha ospitál Gleno-Ermera.

“Kronolojia ne’e, tanba deve osan la selu, ikus mai buka malu, ida fali sente la satisfas ho nia statement ikus mai kaer katana hodi ta’a malu”, esplika Porta Voz Polísia Nasionál Timor-Leste (PNTL), Superintendente Xefe Arnaldo Araújo, ba jornalista sira, Segunda (05/09/20), iha Kuartel Jerál PNTL, Kaikoli-Díli.

Arnaldo akresenta, dau-dauk ne’e suspeitu iha ona Polísia nia liman, hodi submete ba prosesu investigasaun, hafoin aprezenta ba iha Tribunál Distritál Díli (TDD).

Entretantu tuir lei númeru 5/2017, armas branka bandu ema kaer sasan hodi hakanek no habadak ema seluk ninia vida. avi